Page 131 - alice-kbd_text.qxp_9781904808169_text
P. 131
Е Л Ы РКЪ Э Ш Ы М И У ДЖ П Ы Х У
«Хьэмпӏытӏыжь цӏыкӏур зэщыджэурэ маджэ,—
Напкӏэт, Нэщӏэпкӏэ цӏыкӏу, псынщӏэурэ нажэ!
Плъэт Елыркъэшри, еплъыт, Шылъэгури, маржэ,
къыттожхэ!
Псори псыгъунэм зэхосхэри джэгум, яублэ къэфэныр.
Ухуей, ухуэмей уэ, ухуей, ухуэмей уэ, укъыздэфэну?
Ухуей, ухуэмей уэ, ухуей, ухуэмей уэ, укъыздэфэну?
Гъунэм къэмынэу, дыхадзэмэ хыкум,
Гуфӏэр ди пашэу дитынкъэ утыкум!
Занщӏэу бжызоӏэ, Хьэмпӏытӏ, сыхадзэну сыхуейкъым сэ
хыкум,
Жеӏэ губжьауэ Нэщӏэпкӏэ кӏэлъэфым, зэтрепӏэри и нэр.
Сыхуейкъым, сыхуейкъым, сыхуейкъым сэ зыми
сыкъыдэфэну!
Сыхуейкъым, сыхуейкъым, сыхуейкъым сэ зыми
сыкъыдэфэну!
Хым ухэхуа?—Угужьейуэ умылӏэ,
Хым узэпрыкӏмэ хыӏуфэм йосылӏэ!
Уӏусыкӏамэ Инлыджым, Франджым адрей гъунэм уоуалӏэ!
Аращи, Нэщӏэпкӏэ, умыгужьейуэ къыхэдзэ къафэныр:
Ухуей, ухуэмей уэ, ухуей, ухуэмей уэ, укъыздэфэну?
Ухуей, ухуэмей уэ, ухуей, ухуэмей уэ, укъыздэфэну?»
«Тхьэм фигъэпсэу!» жиӏащ Алисэ, мо тӏум я къэфэм кӏэ зэри -
гъуэтам щыгуфӏыкӏурэ. «сфӏэгъэщӏэгъуэну сеплъащ. Фи уэрэдри
къызэрымыкӏуэу сигу ирихьащ! Ар зыуэ дыхьэшхэнщи!»
«А-а, Хьэмпӏытӏыр уэ плъэгъуауэ къыщӏэкӏынщ,» къыщӏидзэ -
жащ Хьэдэпщэмыӏу Нэпцӏым.
105
