Page 127 - alice-kbd_text.qxp_9781904808169_text

Х Ь Э Д Э ПЩ Э М Ы Ӏ У Н Э ПЦӀ Ы М И П С Ы С Э Д Ы ДЖ

дытеувэти махуэ псом цӏампӏырэ къетхуэкӏт. Апхуэдэ егъэджакӏуэ
иджы бгъуэтыжынукъым!»
«Къызэрымыкӏуэу егъэджакӏуэ лъэшт!» диубыдащ, хэщэтыкӏри
Хьэдэпщэмыӏу Нэпцӏым. «Абы „Хьэкӏэкъуэкӏагъыр“ дигъащӏэт.
Псэущ хьэу хъуар и пэнцӏывым къыщедгъэжьати, и кӏэм нэгъунэ
щӏэдгъэкӏт.»
«Ей, зэманыжь, мыгъуэ!» Аслъэн-Бгъэжьым хэщэтыкӏыну и
чэзур къынэсауэ къыщӏэкӏынти, Хьэдэпщэмыӏу Нэпцӏым диӏы -
гъащ. Абы иужькӏэ ӏеижьышхуитӏми заущэхужри, я лъапэхэм я
нэкӏухэр ирагъэпщкӏухьащ.
Алисэ къыгурыӏуэщакъым: гузэвэгъуэрат ахэр зыгъэпӏейтейр
хьэмэ укӏытэгъуэрат.
«Дерс дапщэт махуэм фиӏэр?» тригъэунхэ щхьэкӏэ щӏэупщӏащ Алисэ.
«Ар дэ къыдэлъытат,» жиӏащ Хьэдэпщэмыӏу Нэпцӏым. «Десурэ, десурэ
дезэшмэ-десыжтэкъым.»
«Десурэ?» игъэщӏэгъуащ Алисэ.
«Дерсыр щӏэдерсыр сыт?» къыгуригъаӏуэу щӏидзащ Аслъэн-Бгъэжьым
пщащэ цӏыкӏум. «Тенджыз щӏагъым щӏэсхэр псым йосри аращ абы
дерскӏэ щӏеджэр. Дерсым-дорс, жытӏэти, дерсым и деж дест. Сытми,
десурэ, десурэ акъылыр ди щхьэм нэст, дезэшмэ десын, дерсри иухт.
Къыбгурыӏуа?»
Апхуэдэ еджэкӏэр Алисэ фӏэгъэщӏэгъуэн хъуати, хуэмыхъуу хигъэгуп -
сысыхьащ. «Дерс зэхуэмыдэхэм фи есыкӏэр зэщхьэщыкӏрэт?» щӏэуп -
щӏащ пщащэр.
«Дыкӏэрывгъэкӏыж мы дерсхэм,» зэпиудащ Алисэ и псалъэр Аслъэн-
Бгъэжьым. «Абы нэхърэ, си къуэш, къыхуэӏуатэт пщащэм дэ ди джэгу -
кӏэу щытахэр…»

101