Page 154 - alice-kbd_text.qxp_9781904808169_text

АЛИСЭ ТЕЛЪЫДЖЭЩӀЫМ ЗЭРЫЩЫӀАР

«Ар делагъэ!» псоми захахыу жиӏащ Алисэ. «Апхуэдэ делыгъэ
уи щхьэм къэкӏын щхьэкӏэ егъэлеяуэ делэу ущытын хуейщ.»
«Зэтепӏэ!» плъыжьыбзэу къызэщӏэлъыбэри жиӏащ Уэлий-
Гуащэм.
«Зэтеспӏэнукъым!» ириутӏыпщыжащ абы Алисэ цӏыкӏум.
«И щхьэр пывупщӏ!» и макъым къызэрихьымкӏэ кӏиящ Уэлий-
Гуащэр. Зыми зигъэхьеякъым.
«Ухьэ ей, хэт фэ къыфщышынэр?» жиӏащ Алисэ. (Ар хэхъуэурэ
зэрыщытауэ, и пӏэм иувэжат). «Фэ фызиӏысыр сыт? Фэ фыкуэзыр
къудейщ!» и упщӏэм жэуап иритыжащ пщащэм.
Мис абдежым куэзыру хъуам зыкъаӏэтри, Алисэ и нэкӏум
зыщӏаӏуну пылъхэу, къытелъэлъахэщ. Алисэ къыхэгуоукӏри,
ныкъуэшынэ ныкъуэгъащтэ хуэдэу, ӏэкӏэ ӏуидзхэу щӏидзащ куэ -
зырхэр… и нэр къэзэтрихри—псы ӏуфэм и щхьэр и щыпхъум и
куэщӏым телъу зэрыщылъыр къыгурыӏуэжащ. Алисэ и нэкӏум
къытехуэ пщӏащэхэр и шыпхъу нэхъыжьым хуэсакъыурэ
къытрихыжт.
«Алисэ, къэушыж!» жиӏащ абы. «Сыту куэдрэ ужея!»
«Зыуэ зы пщӏэхьэпӏэ гъэщӏэгъуэн сепщӏыхьащи!» жиӏэри Алисэ
и щыпхъум къыщыщӏа, иджыпсту фызэджа, телъыджэ хъыбархэр
къыхуиӏуэтэжащ. Пщащэм и псысэр щиухым, и щыпхъум ба
къыхуищӏри жиӏащ: «Пэжу пщӏыхьэпӏэр къызэрымыкӏуэу гъэщӏэ -
гъуэнщ! Иджы жэрыгъэкӏэ ди деж гъэзэж, мыхъумэ шей ефэм
укъэкӏэрыхунущ.» Алисэ къыщылъэтри и лъэм къызэрихьымкӏэ
щӏэпхъуащ. Здэжэм пщащэр егупсыст пщӏыхьэпӏэ илъэгъуам.

128