Page 5 - Microsoft Word - Tarmoq_texnologiyalari_O˘quv_qo˘llanma_2022
P. 5
Oʻqitishning anʻanaviy usullarida тarmoq texnologiyalari fani boʻyicha
olingan nazariy bilimlarni mustaxkamlash va amaliy koʻnikmalarni hosil qilish
uchun xizmat qiluvchi laboratoriya va amaliy mashgʻulotlarga katta ahamiyat
beriladi. Shu nuqtai nazardan, oliy oʻquv yurtlarida mutaxassislarni tayyorlash
jarayonini takomillashtirishga va ularning kasbiy tayyorgarligiga qoʻyilgan davlat
ta’lim standartlari talablarini amalga oshirishda elektron axborot ta’lim resursi va
virtual laboratoriyalar ishlab chiqish, boʻlajak mutaxassislarda kasbiy faoliyatga
oid oʻquv-tarbiya jarayonini samarali tashkil etishning shakl, metod va vositalari,
yangi pedagogik va axborot texnologiyalarini oʻquv jarayoniga qoʻllash metodlari,
тarmoq texnologiyalari fanidan oʻquv jarayoni uchun oʻquv-uslubiy taʻminotlarni
yaratish kabi ishlar dolzarbligini belgilaydi.
Sizga tavsiya etilayotgan ushbu oʻquv qoʻllanma pedagogika oliy ta’lim
muassasalarida talabalarga oʻtiladigan Tarmoq texnologiyalari fanidan maʻruza va
laboratoriya mashgʻulotlarini o`tkazish boʻyicha zamonaviy nazariy
maʻlumotlarini oʻz ichiga olgan. Jumladan, kompyuter tarmoqlari, tarmoq
qurilmalari va funksiyalari, protokollar va ularning qoʻllanilishi, internet
xizmatlari, Bulut texnologiyasi, Smart-texnologiyalar, IoT-buyumlar interneti
hamda tarmoq xavfsizligi masalalari haqida nazariy maʻlumotlar berilgan.
O`quv qo`llanma bilan tanishganingizdan tashakkur izhor etamiz. Qo`llanma
mazmuni haqidagi fikr va mulohazalarni, takliflar hamda unda mavjud
kamchiliklarni akbargdu@mail.ru e-mailga yuborishingizni so`raymiz.
4
