Page 35 - THUKUL JADI_Neat

Thukul ing Lemah Nela

sake lan embuh apa sing sing diomongake marang Jago
Wido. Jago Wido kaya kena gendam manut apa wae
kang dadi karepe Kanciludin.
Ing kono para tamu mangan sawarege. Aji sing
digunakake wis genah aji mumpung. Karo telap-telep
sakeh meja diampiri.
Kanciludin imbuh sega. Kelingan sega jagung
lawuh gerih lan sambel kambil pas leren macul. Lan
sing nggawe mbrebes mili mripate, dheweke kelingan
anak lan bojone. Ing kene mangan enak, lawuh sarwa
pepak.
Yen ing omah tempe siji kanggo wong siji, duduh
jangan ditaki supaya tutug nganti sore. Ora krasa luhe
netes ceblok neng sega. Luhe saya deres, tangane
ndeleh sendok neng piring. Tangane nyekel pucuke
klambi kanggo ngusap luhe.
Jago Wido ora wani tekok kena apa Kanciludin
nangis. Nanging suwe-suwe Jago Wido uga krasa
daging dhadha menthok sing dimamah kaya-kaya arep
diutahne. Piring sing kebak sega lan lawuh diseleh
ngisor kursi. Cangkeme pait, es kopyor samangkok ing
sandhinge dijarake wae.
Pancen bener kandhane Kanciludin nalika ing
warung kae, kabeh iki pancen badhut. Kalebu dheweke
uga ya badhut. Karepe arep ninggalake Kanciludin sing
lungguh ing sandhinge. Nanging sikil arep kanggo
njangkah kok rasane abot. Panyawange ora kedhep
marang Sima Ludira sing kebeneran pas liwat ing
ngarepe. Para pengawale siyaga ing kiwa tengen.
Dheweke noleh nalika Kanciludin njawil lengene.
Lan manthuk nalika Kanciludin takon apa kuwi sing
jenenge Sima Ludira. Krungu kandhane Jago Wido,
Kanciludin mesem. Bungah atine awit apa sing

27 | Akal Bulus