Page 9 - 2022 - yillik hisobot

kengaytirish bo‘yicha amalga oshirilgan ishlar yuqori miqdoriy va sifat ko‘rsatkichlariga
erishishga imkon berdi.

Bozor ishtirokchilarining faolligi oshgani tufayli, 2022-yilda barcha birja segmentlari
bo‘yicha savdolar umumiy hajmi 706,79 trln. so‘mni tashkil etdi. Shu bilan birga, O‘zRVB sof
foydasi 51,44 mlrd. so‘mni tashkil etgan bo‘lib, 2022-yilgi biznes-rejadagi prognoz ko‘rsatkichga
nisbatan 33,42 mlrd. so‘mga yoki 185,55% ga oshdi.

2021-yil yakunlari bo‘yicha olingan sof foydaning bir qismi aksiyadorlar o‘rtasida
belgilangan muddatlarda va to‘liq hajmda dividend sifatida taqsimlandi, boshqa qismi esa
O‘zRVB savdolarida tuzilgan bitimlar bo‘yicha majburiyatlarni bajarish kafolat fondini to‘ldirish
uchun yuborildi.
2022-yilda Kuzatuv Kengashining faoliyati O‘zRVBni umumiy boshqarish va rivojlantirish,
Ijroiya organining moliyaviy-xo‘jalik faoliyatini nazorat qilishga qaratilgan bo‘lib, uning doirasida
Ijroiya organining tasdiqlangan biznes-reja bajarilishi to‘g‘risidagi choraklik hisobotlari, ichki
audit xizmatining tekshiruvlari natijalari ko‘rib chiqilgan bo‘lib, tegishli qarorlar qabul qilindi.

Kuzatuv Kengashi yig‘ilishlarida xizmatlar turlarini rivojlantirish va kengaytirish, birja
instrumentlarini diversifikatsiya qilish, mavjud dasturiy mahsulotlarni modernizatsiya qilish
va yangi mahsulotlarni joriy yetish, ichki hujjatlarni, shu jumladan birja savdo qoidalarini
takomillashtirishga qaratilgan bir qator muhim qarorlar qabul qilindi.

Yaqin istiqbolda O‘zRVB birja instrumentlari turlarini kengaytirish, investorlar keng
doirasini, shu jumladan xorijiy investorlarni jalb qilish orqali birja bozorlarining jozibadorligi va
likvidligini oshirish bo‘yicha chora-tadbirlarni amalga oshirishni rejalashtirmoqda.

Bundan tashqari, xorijiy kastodian-banklar va investorlar bilan aloqalarni yo‘lga qo‘yish,
ularning davlat qimmatli qog‘ozlari bozorida ishtirokini ta’minlash va O‘zRVBni SWIFT xalqaro
hisob-kitob tizimiga ulash orqali savdo natijalari bo‘yicha hisob-kitoblarni amalga oshirish
ishlari davom ettiriladi.
Shuningdek, markaziy kontragent faoliyatini yanada takomillashtirish, savdo-dasturiy
komplekslarni va butun infratuzilmani modernizatsiyalash ham ko‘zda tutilgan.
Ishonchimiz komilki, 2022-yilda qabul qilingan strategik qarorlar mamlakat ichki kapital
bozori va butun bank-moliya tizimi infratuzilmasining asosiy va muhim bo‘g‘inlaridan biri
sifatida O‘zRVBni yanada strategik rivojlantirish uchun mustahkam poydevor yaratdi.
Kuzatuv kengashining barcha aʼzolariga tashkilot rivojiga qoʻshgan shaxsiy hissasi va
Kuzatuv kengashi ishidagi faol ishtiroki uchun minnatdorchilik bildiraman.

Shuningdek, O‘zRVB a’zolariga, aksiyadorlarga bildirilgan ishonch va ko‘mak uchun,
birja xodimlariga samarali va yuqori malakali mehnatlari uchun o‘z minnatdorchiligimni
bildiraman. Bu biz uchun sezilarli natijalarga erishish va kelajak uchun kuchli poydevor
yaratish imkoniyatini berdi.

9