Page 10 - 2022 - yillik hisobot
P. 10
BOSH DIREKTORNING
MUROJAATI
Rashid Usmanov
O‘zRVB Bosh direktori
Hurmatli aksiyadorlar, hamkasblar!
2022-yilda O‘zRVB rivojlanish strategiyasining ustuvor yo‘nalishlari bo‘yicha vazifalarni
amalga oshirish doirasida birja bozorlarini diversifikatsiya qilish, zamonaviy korporativ boshqaruv
usullarini, ilg‘or birja mexanizmlari va axborot-kommunikatsiya texnologiyalarini joriy etish,
shuningdek, samarali kadrlar siyosatini yuritish doirasida faoliyatni amalga oshirib keldi.
Biz birja bozorlarimizni yanada rivojlantirishni davom ettirdik va xizmatlarimizni sifatli
va uzluksiz taqdim etishni ta'minlagan holda birja savdolari hajmi rekord darajada oshishiga
erishdik.
Ijobiy o‘zgarishlar O‘zRVBning diversifikatsiyalashgan birja instrumentlaridan foydalanishda
hajmlar o‘sishi hamda ishtirokchilar faollashishi, shuningdek, birja bozorlari ishtirokchilari uchun
qulay shart-sharoitlar yaratish va yangi savdo strategiyalarini taqdim etish bilan bog‘liq.
Ushbu strategiyalar doirasida biz 2022 yilda mamlakatda ilk bor valyuta fyuchers
shartnomalari savdosini yo‘lga qo‘ydik, markaziy kontragent va likvidlik provayderlari faoliyatini
muvaffaqiyatli joriy etdik, bu esa defoltni boshqarishning samarali tizimini yaratish va risklarni
boshqarish mexanizmlarini kengaytirishga imkon yaratdi.
Shuningdek, valyuta fyuchers bozori va davlat qimmatli qog‘ozlarining ikkilamchi bozorida
market-meykerlar faoliyati joriy etildi.
Bugungi kunda O‘zRVB so‘zsiz likvidlik markazi va resurslarni jalb qilish uchun asosiy savdo
platformasi hisoblanadi va hisobot yilida savdolar hajmi sezilarli darajada oshgani shundan
dalolat beradi.
10
