Page 12 - Artemis_6

Weihnåcht‘n 2020 (Franz GEISSLER)

Boid houd deïs Zwoanzgajoahr a-n Eïnd,

deïs ins ållas gnumma houd, wås mia(r) woa(r)‘n g’weïhnd.
‘S bledi Covid-19 Virus is d’rau(n) Schuid,

vou(n) deïn Schas håmma ins nau nid dahuid.

Na, deïs woa(r) und is koa(n) beesa Dram!

Zweïng deïn samma za d‘ Weihnåchtn alloa(n) daham,

und dou braucht ‘s koan Bam, dou duit ‘s a-r-a Stau(d)‘n,
weul si kaunn eh koana keïmma Christbamschau’n!

Koa(n) B’suich nid vou(n) d‘ Freind oda d‘ Vawaunt’n,

schou(n) zweïng deï vül’n Babyölefaunt’n,

koa(n) ’File Wellingt‘n’ zan heulich’n Feïst -
weul ålli sein in oana Oa(r)t Hausarreïst.

S‘ is åwa eh g’scheida, weul si speult si d‘ Tia(r)

voun Zimma zweïgn deïn vül’n g’lågad’n Heislpåpiea(r).

Ea(r)laubt is nia(r) ‘s Zuiproust’n mid SMS-Kontakt,

sou laung, bis oan da Ziagl af ‘n Diwan prackt.
In deïn Sinn: vazicht‘ ma af ‘n Weihnåchtska(r)pf’n

und hau‘ ma ins au(n)dus’ld zeidlich daunn in d‘ Hapf’n.

Si hülft jå nix, ah waumma schimpfa,

mia(r) miss’n woa(r)t’n bis af ‘s Joa(h)r af ‘s Impfa!
Daunn gibt ‘s, wea(r)d’s sehgn, wieda a Weihnåchtsgauns -

bis söl(b)‘m hi(n): bleibts g’sund - winscht eïng ... da Fraunz!