Page 13 - Artemis_6

Gisela Göstl

S‘ Frühjohr

I g’spür den Frühling bis ins Bluat,
die Sun tuat den Knoch’n guat.
Die Luft jogt’s Herz mir in die Höh‘,
am Baum oben singt a Zizibe.

Die Schneeglöckal im Gort’n auf da Seit’n
de hör‘ i fost a bissl leit’n.
Da Frühjohrsputz der is vorbei -
Frühjohrsmiad bin i für drei.
Am liabst’n tat i d’ Ross einspaunan,
de mit vier Radl ….
wir hob’n jo koane aundan.

Frühling is in da Näh‘,
I sog euch Leit‘, des is koa Schmäh,
wann d‘ Senioren zum Reis’n beginnen,
die Kroassägen ihre Lieda singen.

I tat scho gern an Zwief’l stupf’n
und a wenig im Gort’n umazupf’n.
So vül gabs wos mi hiatz g’freid -
Des mocht do nur die Frühjohrszeit!

© 26. 02. 1994 Gisela Göstl / Heimatmuseum Niederleis