Page 6 - ARTEMIS_Nr.9 (Weihnachten 2021)

Gerti Adam

Silvester
© by Gerti ADAM – 6.3.2008

Zwölf Mal schlagt d’Uhr um Mitternacht.
A Feuerwerk zum Himm’l kracht.
Es blitzt und donnert wia verrückt,
die Katz’ ganz fürchterlich erschrickt.

D’Raketen ballern bis um zwei,
dann is, Gott Lob, alles vorbei.
Kaum im Bett, da läutet schon
im Wohnzimmer das Telefon.

„Liebe Mama: Prosit Neujahr!
Wir wünschen G’sundheit immerdar!“
Nachn Anruf leg i mi wieder
in mei Bett zum Schlaf’n nieder.

Und wieder schepperts Telefon,
es meldet sich mein lieber Sohn:
„Bist eh no auf? Prosit Neujahr!
I ruaf erst jetzt an, weil’s besetzt war.“

Kaum im Bett, so uma drei,
beginnt aufs Neu’ die Läuterei.
Mei liabe guate Nachbarin
is grod ham kumma von Wien.

Sie läut’ ganz munter an der Tür:
„A glücklichs Jahr, das wünsch i Dir!
Oh, du bist scho halbs beim Trama?
Mocht nix, wir feiern weida im Pyjama.“

Mir haum a Hetz ghabt und vü glocht,
doch futsch wor jetzt die guate Nocht.
I lieg im Bett und denk fürwahr:
Zum Glück is amol nur Neujahr.