Page 15 - ATA

Djabièrnè 15 Yüni 2018 5
Minister Zita
Jesus-Leito
No tin niun

desishon pa

adaptá

airport tax

WILLEMSTAD.- No
tin ningun desishon pa
oumento òf adaptashon di
Passenger Facility Charge
(PFC) konosí den pueblo
komo ‘airport tax’, esei
minister sra. Zita Jesus-
Leito a duna di konosé na
EXTRA.
Na Aruba si a anunsiá
ku lo tin oumentu di e PFC
di forma drástiko entrante
promé di yüli 2018. Na
Aruba PFC ta subi ku 40%
entrante promé di yüli 2018.
Esei ta nifiká un pasahero
ku ke sali Aruba i biaha pa
Kòrsou i St. Maarten mester
paga $ 34.25 (Fl 62.34)
miéntras e biahero ku ta
bai Merka mester paga $
52.50 (Fl 95.55). Ademas
ta oumentá otro gastunan
tambe pa e kompanianan di
aviashon ku ta subi i baha
na Aruba.
Ta asina ku kada tres aña
ta tempu pa tira bista i chèk
si te ainda e PFC ta kumpli ku
su meta. Den e kuadro ei ta
asina ku departamentonan
di ministerio di Tráfiko,
Transporte i Planifikashon
Urbano (VVRP) ta hasiendo
análisis riba e desaroyonan,
pero manera indiká minister
di VVRP a bisa ku no tin
niun desishon. Mester
evaluá si e tarifa ta bon
ainda. Importante ta ku e
entrada ku e PFC ta generá
mester por kubri gastunan
di e aeropuerto i otronan,
manera seguridat etc.
EXTRA tabata den
kontakto ku Curaçao Airport
Partners i e bosero a indiká
ku CAP ta duna konseho a
base di nan análisis. CAP ta
enfatisá ku e PFC no ta pa
aeropuerto so pero tambe
pa kubri toren di kontròl
i aviashon sivil. CAP ta
enfatisá ku ta ministerio di
VVRP ta tuma desishon kiko
ta bai pasa finalmente.