Page 12 - bon-dia-aruba-20200914

a12 riba caya
Dialuna 14 September 2020

Detention durante toque de queda

Riba Diasabra anochi pasa di 12 or di anochi, a detene
dos persona durante toque de queda na Balashi.

Ta trata di un pareha cu a dicidi di ta riba caya den oranan di
toque de queda, polis a miranan bayendo direccion pa Balashi
y a logra para nan banda di Web. Polis a haci control pero
no tabata tin nada inusuario. E chaffeur/ pareha no tabata tin
motibo valido pa ta riba caya.

Dos auto ta accidenta na Mondi Fierno

Diasabra merdia ta drenta un reporte, tocante dos auto
cu a dal den otro cu impacto di causa persona herida.

Ta trata di e chaffeur Kia Rio a dal tras di un Toyota Altezza.
E impacto fuerte ta laga un persona levemente herida. Polis a
presenta pa asina tuma dato y huntu tambe cu personal di am-
bulance a atende imediatamente cu e victima na e sitio. Daño
material tabata considerabel, roadservice a tuma datonan di
ambos auto pa asina sigui cu e caso.

Auto ta dal cu fuerte impacto den cura

Riba diasabra anochi, riba caminda di Savaneta bay-
endo direccion pa Cura Cabai, na e cura di Jr Auto
Center.

Un auto ta dal cu un impacto basta fuerte contra e luga y a
ranka un borchi di trafico. E impacto a causa cu dos homber
a keda herida, dos unidad di ambulance a presenta. Para-
mediconan a atende cu e victimanan y a transladanan hos-
pital pa atencion medico. Polis di trafico di San Nicolas a
presenta pa tuma dato.