Page 33 - MIN,TTC APRIL 8,2015

...

E unico compania cu ta haci transporte y tambe cyber security , ni banco no a haci nada, hopi compania na mundo
por bin serca ARUBUS consulting .... hahahahahah ,

http://www.24ora.com/local-mainmenu-5/93829-teo-croes-cu-version-oficial-tocante-caso-di-hacking-
di-arubus

A entrega e di 4 “Annual Report” cu resultado
positivo di un audit financiero independiente

· Apr 7th, 2015
· Local

Un bon comunicacion entre socionan y esunnan trahando den servicio di hospitalidad ta masha
importante, specialmente den nos industria di turismo. Aruba Tourism Authority a organisa e evento
“Business Mixer” pa mantene e comunicacion y comparti ideanan entre e socionan den turismo y tur
esunnan clave cu ta traha den servicio di hospitalidad, pero tambe pa estrecha lasonan y sigui traha na
bienestar di turismo pa Aruba.

Aruba Tourism Authority a converti su mes na aña 2011, den Aruba Tourism Authority Sui Generis, un
identidad unico y independiente boa di maneho di su prome C.E.O, Ronella Tjin Asjoe–Croes. Despues
di 4 aña, Aruba Tourism Authority a surpasa tur expectativa y a logra den menos di 5 aña pa cumpli cu e
reserva financiero prescribi pa ley, cual ta iguala un total di AWG 18.4 miyon. “Ta cu hopi orguyo A.T.A. a
conclui un otro “Annual Report” recientemente, edicion number 4 cu ta contene tur logronan di A.T.A. pa
aña 2014 como tambe e rapport financiero pa aña 2014 di A.T.A y por ultimo resultadonan positivo di un
audit financiero independiente (“goedkeurende verklaring”) conduci door di un oficina di “accountant”
independiente a base anual. E C.E.O. di Aruba Tourism Authority a entrega e rapport aki na Hunta di
Supervision di A.T.A. recientemente”, asina Ronella Tjin Asjoe–Croes a splica den su speech na ocasion
di e Business Mixer 2015.

“Aña 2015 lo no ta diferente, lo sigui mira un A.T.A. cu ta dinamico y constantemente on the move
trahando riba proyectonan existente como tambe nobo, tur den linea cu A.T.A. su plan di maneho
(Business Plan) 2014-2017 cu tin un enfoke grandi riba entre otro atraccion di mas turista afluente,
mehora y diversifica e producto Aruba, aumenta e gasto diario di e turista cu ta bishita nos isla, diversifica
mercadonan primario pa Aruba y sigui estrecha lasonan cu nos socionan tanto den exterior como local”,
Ronella Tjin Asjoe–Croes a sigui relata cu un dinamismo y conviccion den su ponencianan. “A.T.A. hunto
cu socionan lo sigui cu atencion special den mitigacion di e riesgonan potencial cu ta deriva for di
desafionan den e mercado Venezolano, mescos lo sigui pone atencion riba buskeda di un bon mescla di
portofolio (“portfolio mix”) di alohamento pa nos isla; un combinacion sano cu ta consisti di alohamento
non all inclusive, all inclusive, y otro tipo di alohamento riba nos isla (apartamento etc.).”

Aruba a marca historia cu un record di 1.070.000 bishitante stay-over, un aumento di 20% di RevPar
(rendimento pa camber) y te cu e tercera parti di aña 2014 a registra un aumento di 7% den entrada