Page 32 - MIN,TTC APRIL 8,2015
P. 32
Teo Croes cu version oficial tocante caso di hacking di
Arubus
Tuesday, 07 April 2015 19:09
Comparti
Director di Arubus Teo Croes a yama un conferencia di prensa pa papia tocante e tema di hacking di cual
Arubus tabata victima poco tempo pasa y cu tabata hopi den prensa cu diferente version cu no ta cuadra
cu berdad.
El a splica cu mesora a tuma nota di e situacion Arubus a contacta e banco encarga cu su cuenta y hunto
cune a yama e banconan concerni na New York y Hong Kong pa nan percura pa placa no por wordo saca
for di e cuenta.
Autoridadnan policial di Aruba y Hong Kong a wordo poni na altura, y den e investigacion a constata cu e
placa tabata riba cuenta na banco y director di Arubus mester a bai huramenta dilanti notario locual a
sosode tambe. El a bisa cu no tin cuestion cu el a bai persigui ni gara hacker, polis di Hong Kong a haci su
trabao a impedi pa por a retira e placa. Pa e placa bin Arubus bek a tarda mas cu loke polis y abogadonan
na Hong Kong a bisa. Danki na e diligencia di e banco y di Arubus cu a actua lihe a preveni cu placa no a
wordo saca y awor aki nan ta bezig hunto cu e banco y aseguro cu algun gasto cu mester haci. E suma
envolvi tabata 568.000 fls, di cual Arubus a ricibi bek 464.000 fls, y e diferencia ta un parti cu a wordo
tuma di e placa, gastonan di abogado y gastonan pa e bai Hong Kong. E director di Arubus a splica cu tin
cambionan den e sistema di pago cu nan ta haci awor cu ta menos online y te hasta tin pagonan manual,
mescos e manera con ta verifica cu tin tres sistema pa haci esaki y si un hende kier move placa for di
eynan e mester sa cual ta e tres password.
Comentarionan (2)
Mustra/Kita comentarionan
No Bula Tiara
April 07, 2015
2 0 1 .2 2 9 .6 7 .5 5
Votes: +0
...
Hackersnan ta hopi mas sabi cu boso y nada ta imposibel. Ata e e la costa boso 104 mil florin di pueblo cu mester
wordo paga back door di boso..Milliones di regalo pa tiara air perdi, despues cientos di milliones di Hedging awor
esaki...Aruba no ta dubai..boso pone e plaka nan aki back, cu ta di pueblo di aruba.
i.r.k
April 07, 2015
2 0 1 .2 2 9 .6 2 .9
Votes: +0
