Page 11 - extra 31 maart 2016
P. 11
Djaweps 31 Mart 2016 11
Kontinuashon di pagina 8
TRIO A BATI POLIS RIBA
di aire; 1 arma den forma
di un shòtgun pa menasa
hende kuné; 1 saku di
plèstik grandi ku mariwana.
Relashoná ku e
entradanan hudisial i e
kosnan ilegal ku a konfiská
polis a detené un total di 4
persona pa violashon di Lei
di Arma di kandela i Lei di
Opio: e hòmber D.T., 19 aña
di edat; e hende muhé, R.R.,
di 55 aña di edat; e hòmber
J.P., di 23 aña di edat; e
hòmber L.L., di 21 aña di
edat, tur nasé na Kòrsou.
Un dado momento
durante di detenshon di e
hòmber L.L. algun suheto
a kuminsá heringá i bati
boka na mal òrdu ku polis.
Anto a agredí un agente
polisial. Nan intenshon
tabata pa stroba polis di
hasi nan trabou. Tabatin
mandamentu di bòter i
baranka tambe riba polis.
Relashoná ku esaki na
altura di un kas den kaya
Lamper a detené tres (3)
persona pa insulto, maltrato
i pa opstruí kontra trabou di
polis: e hòmber R.M., di 32
aña di edat; e hòmber R.B.,
di 21 aña di edat; e hende
muhé L.B., di 27 aña di edat,
tur tres nasé na Kòrsou.
No ta promé biaha
ku riba Seri Papaya,
habitantenan ta reakshoná
di manera violento kontra
di outoridatnan polisial.
Tin agentenan polisial ku
ta ninga rotundamente
pa subi riba Seri Papaya
no únikamente pa miedu
di agreshon, pero tambe
pa evitá ku nan tin ku usa
forsa brutu òf nan arma di
kandela. Anto despues ta
nan ta sinta ku e problema
pa ku nan trabou paso ta
kuestioná nan desishon pa
aktua ku man duru.
Tur e sospechosonan a
keda presentá dilanti di un
fiskal ouksiliar ku a ordená
nan enkarselamentu pa mas
investigashon.
