Page 8 - MIN SOC OCT 30,2015
P. 8
4 AWEMainta Diabierna, 30 Oktober 2015
Bandera di Nacionnan DIAMARS atardi Prome Minister Mike Eman, hunto
Uni pa prome biaha
a subi na dr. Edward cu Richard Blewitt, coordinador di Nacionnan Uni di nos
Cheung Center for area y Kees Rade, embahador di Desaroyo Sostenibel
Innovation na Hulanda a hisa bandera di Nacionnan uni na dr.
Edward Cheung Center for Innovation. E acto simbolico
aki tabata relaciona cu reunionnan cu tabata tumando
luga n’e centro di innovacion di Aruba entre diferente
stakeholdernan local y internacional.
Coordinador di Nacionnan Uni, Richard Blewitt
tabata na Aruba relaciona cu preparacionnan pa
establece un Centro di Excelencia di Nacionnan Uni
na Aruba. Sr. Blewitt a probecha e occasion pa reuni
cu miembronan di Dialogo Social, incluyendo Prome
Minister, representando Gobierno di Aruba, tocante e
17 ‘Sustainable Development Goals’, cu recientemente
paisnan rond di mundo a acepta como metanan mundial
pa combati pobresa, protehe nos medio ambiente y
segura prosperidad pa henter mundo como parti di un
agenda di desaroyo sostenibel. E meta ta pa dentro di
15 aña, na tur pais na mundo, e metanan aki por bira
un realidad.
Stakeholdernan presente tabata representantenan di
SIMAR, ABV, SPA, STT, SEPPA, AHATA, ATIA, Camara
di Comercio, Aruba Timeshare Association y Prome
Minister. Interes den e topico tabata halto mirando cu
esnan presente a participa activamente cu hopi pregunta
p’e representante di Nacionnan Uni.
Despues di e reunion a hisa e bandera di Nacionnan Uni,
pa sigui cu reunionnan entre Prome Minister di Aruba,
sr. Blewitt y representantenan di UNDP (United Nations
Development Programme), Rocky Mountain institute,
Carbon War Room, Clinton Climate Innitiative, Carilec,
TNO, Universidad di Aruba y Utilities.
Un dia yena cu reunionnan caminda Aruba a haya un
toke mundial cu presencia di Nacionnan Uni, cu na
comienso di aña benidero, ta bay establece un Centro di
Excelencia na Aruba. Una bes cu e centro di Nacionnan
Uni keda estableci otro aña lo por mira e bandera
di Nacionnan Uni permanentemente na dr. Edward
Cheung Center for Innovation.
