Page 77 - MIN TTC 18 NOV 2015

Seis bus nobo na caminda pa forma parti di e flota di
Arubus

Publication: Wednesday, 18 November 2015. Categoria: General

ORANJESTAD (AAN): Minister Otmar Oduber sumamente contento a indica cu un total di 6
bus nobo di Arubus ta na caminda pa Aruba. A pesar di e situacion dificil den cual e compania ta
encontra su mes, asina mes ta sigui brinda e comunidad e miho servicio posibel y ta percura pa
por cumpli cu e demanda.
Asina, transporte publico dentro di poco lo conoce un flota nobo di bus. Busnan cu no solamente
lo cay na agrado di e usuarionan pero lo ta sigur un comodidad pa e propio chauffeurnan cu lo
bay ta esnan encarga pa maneha nan.
Ta trata aki di 6 bus marca Marco Polo/VOLVO modelo B7R di 53 stoel y 45 standplaats cu lo
ta yegando nos isla den mas o menos 15 dia.
E mandatario a agrega cu mecaniconan di Arubus ta den entrenamento na Caxius du Sol, Brazil
pa percura cu e busnan ricibi nan debido mantencion y asina ta un miho inversion pa e compania
di transportacion publico local, mientras cu ta sigura e seguridad di usuarionan, cual ta keda na
prome luga pa e compania di transporte publico.
Cu e adkisicion di e 6 busnan aki Arubus ta sigura nan usuarionan miho servicio riba e rutanan di
Aruba.
http://www.diario.aw/2015/11/seis-bus-nobo-na-caminda-pa-forma-parti-di-e-flota-di-arubus/