Page 14 - Mikhe
P. 14
מיכה
13און די ערד װעט ז ַײן װיסט פֿאַר אירע באַװױנער,
פֿון װעגן דעם פֿרוכט פֿון זײערע מעשׂים.
14פֿיטער ד ַײן פֿאָלק מיט ד ַײן רוט,
די שאָף פֿון ד ַײן אַרב,
װאָס װױנען באַזונדער
אַ װאַלד אין מיטן ַכּר ֶמל;
לאָזן זײ זיך פֿיטערן אין ב ָשן און ִגל ָעד,
װי אין די טעג פֿון אַמאָל.
15װי אין די טעג פֿון ד ַײן אַרױסגײן פֿון לאַנד ִמצ ַר ִים,
װעל איך אים װוּנדער באַװ ַײזן.
16פֿעלקער װעלן זען און זיך שעמען מיט אַל זײער גבֿורה,
זײ װעלן אַרױפֿטאָן די האַנט אױפֿן מױל,
זײערע אױערן װעלן טױב װערן.
17זײ װעלן לעקן דעם שטױב װי אַ שלאַנג,
װי די װאָס קריכן אױף דער ערד;
זײ װעלן ציטערן פֿון זײערע פֿעסטונגען,
צו יהוה אונדזער גאָט װעלן זײ אַנגסטן,
און זײ װעלן מוֹרא האָבן פֿאַר דיר.
18װער איז אַ גאָט װי דו ,װאָס פֿאַרגיט זינד,
און גײט פֿאַרב ַײ דעם פֿאַרברעך פֿון דעם איבערבל ַײב פֿון ז ַײן אַרב?
ער האַלט ניט אױף אײביק ז ַײן צאָרן,
װאָרום ער האָט ליב גענאָד.
19ער װעט אונדז װידער דערבאַרימען,
ער װעט פֿאַרדריקן אונדזערע זינד;
און װעסט אַר ַײנװאַרפֿן אין די טיפֿענישן פֿון אים
אַלע זײערע חטאים.
20װעסט װ ַײזן טר ַײשאַפֿט צו יעקבֿן,
חסד צו אַברהמען,
װי דו האָסט געשװאָרן אונדזערע עלטערן
פֿון די טעג פֿון פֿאַרצ ַײטן.
© 2005 Dworkins and Leonard Prager. All Rights Reserved.
