Page 66 - Missa Hkungga Nawng ya ai lam

Missa Hkungga A Daju Daw Lahkawng

The celebrant with hands extented says:

Jau : Madu nanhte hte rau nga nga u ga
Shawa : Nang Wa hte mung nga nga u ga law.
Jau : Madu hta myit jung nga mu:

Shawa : Madu hta myit jung nga ga ai.
Jau : Anhte a Madu Karai Wa hpe chyeju dum ga law;

Shawa : Dai gaw dingman ai hte htap htuk ai lam rai nga ai.

The celebrant continues:

Chyoi pra ai Wa Karai e,

Na a Mungga rai nga ai Nsha Yesu Hkristu a marang e,
nhtoi magup shara magup e,
Nang hpe anhte chyeju dum na gaw,

dingman ai hte htap htuk nga nna.
akyu rawng ai lam rai nga ai,
Dai Mungga a marang e Nang mahkra hpe hpan da nit dai;

anhte hpe hkye hkrang la na matu Shi hpe shangun dat nit dai;
Shi gaw, Chyoi Pra ai Wenyi a atsam hte masha tai wa nna,
Hkawnsek Maria hta shangai wa sai;

si hkrung si htan hpe dang kau nna,
bai hkrung rawt ai hpe madun dan nu ai.

Shing rai, Nang ra ai hte maren galaw nna,
Na a matu chyoi pra ai amyu masha hpe lu da nu ai.
Dai rai nna, Lamu Kasa ni hte San Pra ai ni hte rau,

Na a hpung shingkang hpe shakawn kungdawn let tsun ga ai gaw:

Joining his hans he says with people:

San Pra, San Pra, nga yawng a Madu Karai Wa,
Lamu hte aga Na Shingkang shingwang hte hpring nga:

Lamu hta kabu sharawng.
Madu a mying ningsang hte du sa ai wa a nga ai;

Lamu hta kabu sharawng.