Page 73 - Missa Hkungga Nawng ya ai lam

33

Karai a Kanu Magam Hkawnsek Maria, San Yoseph,

Na a Kasa ni, Tara Sakse ni, San . . . . . . . hte,
San Pra ai ni yawng mayawng a garum ya na hpe
tutnawng e kam hpa nga ga ai.

Shanhte mahkra hte rau n htum n wai ai sali wunli
anhte jawm pawng lu na matu,
Madu Yesu gaw Nang Wa a lata de anhte hpe ap
ya u ga,

Madu e, ndai hkungga gaw
anhte hpe Nang hte htinglu ya ai hte maren,
mungkan ting e hkye hkrang la ai chyeju hte,

ngwi pyaw simsa ai hpe jaw ya u ga.
Dinghta ga e nga ai Na a Nawku Hpung hpe,
makam masham hte tsaw ra ai hta
shangang shakang ya rit.
Na a ali ama Wa Sarabyin ............, Wa Saradaw ....................,

mungkan ting na Saradaw Jau ni hte,
Na a amyu masha nlang hte hpe garum ya rit.
Nang kaw hpawng nga ai Na a nta masha ni

hpyi ai akyu ga hpe madat ya rit;
shara magup e nga ai nsha ni yawng hpe
tsaw ra matsan dum let,
Nang hte matut kahkyin da ya rit.

Memento of Dead in ordinary mass:

Mai kaja ai lam mahkra a npawt rai nga ai

anhte a Madu Hkristu a marang e,
si mat wa sai hpu nau ni hte,
Na a chyeju hte yup pyaw mat sai ni yawng hpe,
Na a Mungdan de woi la ya rit law;
anhte mung dai mungdan a hpung shingkang hta,

tutnawng e Nang hpe mu lu na myit mada nga ga ai.