Page 76 - Missa Hkungga Nawng ya ai lam

2

The celebrant with hands extended says:

Wa Karai e, Nang gaw galu kaba nga ndai;
Na a amu magam mahkra hpe,

tsaw ra ai myit hte yu lajang nna galaw nit dai majaw
Nang hpe shagrau sha - a nga ga ai.
Na a hkrang sumla hpe bung nna,

shinggyim masha hpe hpan da nit dai.
Nang hpan da Madu hpe daw jau let,
Mungkan ting na hpan da sai ni mahkra hpe up nga na matu,
masha hpe san da nit dai.
Na a mungga n madat mara ai majaw,

Nang hte nhtan shai mat ai shaloi pyi,
si hkrung si htan hta masha hpe kau da nit dai n rai;
masha yawng Nang hpe mu tam lu na lam lajang da nit dai.

Masha hte law law lang ga shaka da nna,
hkye la ai lam myit mada lu na matu,
myihtoi ni n-gup hte sharin shaga ya nit dai.

Hkye La ai Amu hpe myit dum ai

Nang Wa mungkan ga hpe tsaw la ai majaw,
aten ladaw gu jang.

anhte hpe hkye hkrang la na matu,
Nsha Shingtai hpe shangun dat nit dai.
Shi gaw, Chyoi Pra ai Wenyi a atsam hte masha tai wa nna,
Hkawnsek Maria hta shangai wa sai.
Nsha wa gaw, shut hpyit mara hta lai nna,

lam shagu hta anhte hte maren masha majing rai nga ai.
Shi gaw, matsan mayan ni hpe hkye la ai kabu gara ai shiga,
bawng dung ai ni hpe lawt lu ai lam hte,

yawn hkyen ai ni hpe shalan shabran ai lam hkaw dan wu ai.
Nang myit ra ai hku hkan shadik na matu,
Shi a asak hpe nawng kau ya nu ai;
Shi bai hkrung rawt ai hte si hkrung shi htan hpe dang kau nna,
asak bai jaw shagrin da nu ai.

Anhte ra ai hku n rai
Shi ra ai hku anhte nga sa wa lu na matu
Nang Kawa kaw nna Chyoi Pra ai Wenyi hpe shangun dat nu ai.