Page 40 - MODUL 1

Purna anggennya peparing ajaran marang si bungkus, Dewi Umayi aparing
busana arupa cawat bang bintulu (abrit, ireng, kuning, putih), pupuk, sumping,
gelang, porong, lan kuku Pancanaka.
Salajengipun, Gajahsena mbuka bungkus. Pecahing bungkus dados
sapatemon kekalihipun, kagyat dados lan perangipun. Binanting sang Gajahsena.
Sirna jasad sang gajah. Roh lan daya kekiyatanipun manjing jroning angga sang
bungkus.

Praptane Bethara Narada.
Si Bungkus takon marang Sang Kabayan dewa, “Heemmm, aku iki sapa?”
“Perkencong, perkencong waru dhoyong, ngger, sira kuwi sejatine putra
kapindho ratu ing Amarta Prabu Pandudewanata. Sira lahir awujud bungkus, lan
kersaning dewa sira kudu dadi satriya utama…, lan sira tak paringi tetenger
Bratasena ya nggeeer…”

Rawuhipun Ratu saking Tasikmadu kang nyuwun senjata pitulungan marang
Bratasena kinen nyirnakaken raja raseksa aran Kala Dahana, Patih Kala Bantala,
Kala Maruta lan Kala Ranu. Para raseksa sirna. Sekawan kekiatan saking raseksa
wau nyawiji marang Raden Bratasena, inggih punika kekiatan geni, lemah, angin lan
banyu.
Purnaning crita, Bratasena ketemu wong tuwane yaiku Prabu
Pandhudewanata lan Ibu Kunthitalibrata sarta Raden Permadi. Suka parisuka unjuk
syukur mring Gusti kang Murbeng Jagat.

16. Paraga utama crita wayang ing dhuwur yaiku …..
a. Bathara Guru d. Prabu Pandhudewanata
b. Raden Permadi e. Raden Nakula lan Sadewa
c. Raden Bratasena
17. Urutan (struktur) crita wayang ing ndhuwur perangan konflik /klimaks yaiku …..
a. Duhkitaning Prabu Pandhu lan Dewi Kunhti jalaran lahire ponang jabang bayi
kang awujud bungkus.
b. Kurawa uga melu cawe-cawe arsa mecah bungkus, sanadyan amung lelamisan,
bakune arsa nyirnaake si bungkus. Wisiking dewa sang bungkus den bucal ing
alas Krendawahana
c. Ing pertapan Wukir Retawu Begawan Abiyasa kasowanan Raden Permadi kang
kadherekaken repat punakawan
d. Salajengipun, Gajahsena mbuka bungkus. Pecahing bungkus dados sapatemon
kekalihipun, kagyat dados lan perangipun. Binanting sang Gajahsena. Sirna
jasad sang gajah. Roh lan daya kekiyatanipun manjing jroning angga sang
bungkus.
e. Purnaning crita, Bratasena ketemu wong tuwane yaiku Prabu Pandhudewanata
lan Ibu Kunthitalibrata sarta Raden Permadi. Suka parisuka unjuk syukur mring
Gusti kang Murbeng Jagat

18. Purna peparing ajaran kautaman marang si bungkus, Dewi Umayi aparing busana,
busana kang diparingake yaiku .................... , kajaba?

40 BAHASA JAWA - SMA/MA - Kelas X Semester Genap