Page 5 - Safarova N., Safarov B. elektron darslik

Sо‘z boshi

О‘zbekiston Respublikasi Prezidenti Shavkat Mirziyoyev 2018 yil 16 oktyabr

kuni kimyo sanoatini jadal rivojlantirish, tarmoqqa xorijiy investitsiya va

zamonaviy texnologiyalarni jalb qilish masalalariga bag‘ishlangan yig‘ilish

о‘tkazdi. Ushbu yig‘ilishda ta’kidlab о‘tildiki, bugungi kunda mamlakatimizda

azotli о‘g‘itlarga talab 73 foiz, fosforli о‘g‘itlarga 20 foiz ta’minlanmoqda. Azotli

о‘g‘it ishlab chiqarish quvvatlarining о‘rtacha eskirish darajasi 64 foizni, fosforli

о‘g‘it bо‘yicha 77 foizni tashkil qiladi. Sohadagi vaziyatni yaxshilash maqsadida

kelasi besh yilda umumiy qiymati 2,8 milliard dollarlik 9 ta loyihani ishga

tushirish rejalashtirilgan bо‘lib, buning natijasida mineral о‘g‘it va sulfat kislotasi

ishlab chiqarish hajmi 2 barobar kо‘payadi. Azotli va kaliyli о‘g‘itlarga talab

qoplanadi, fosforli о‘g‘itlarga ehtiyojni qondirish darajasi bir necha barobar

oshiriladi. Yig‘ilishda “О‘zkimyosanoat” aksiyadorlik jamiyatining moliyaviy

ahvolini yaxshilash yuzasidan ham kо‘rsatmalar berildi. Koreya kimyo–

texnologiyalari ilmiy-tadqiqot instituti (KRICT) bilan hamkorlikda Toshkent

kimyo-texnologiya ilmiy-tadqiqot instituti negizida ilmiy-tadqiqot, loyihalash va

muhandislik, kadrlar tayyorlashga ixtisoslashtirilgan markaz barpo etishni

tezlashtirish zarurligi ta’kidlandi.

Fanni о‘qitishdan maqsad – talabalarga agrokimyo tadqiqot usullarini,
о‘simlik, о‘g‘it va tuproqlarni tadqiq qilish xamda ular orasidagi о‘zaro

munosabatni о‘rganish yо‘llarini, laboratoriya, lizimetrik, vegetatsiya va dala
tajribalarini о‘tkazish uslubiyatini va ular asosida olinadigan natijalarni statistik

tahlil qilish usullarini о‘rgatish bо‘yicha ta’lim berishdir. Buning uchun quyidagi
vazifalar bajariladi: talabalarni agrokimyo tadqiqot usullari va ularning turlari,

о‘simlik, о‘g‘it va tuproqlarni tadqiq qilish xamda ular orasidagi о‘zaro

munosabatni о‘rganish yо‘llari, laboratoriya, lizimetrik, vegetatsiya va dala

tajribalarini о‘tkazish uslubiyati, ularga qо‘yilgan talablar, agrokimyoviy

tadqiqotlar asosida olinadigan natijalarni statistik tahlil qilish usullari kabilar bilan

zamonaviy pedagogik texnologiyalar asosida tanishtiriladi.

5