Page 6 - Safarova N., Safarov B. elektron darslik
P. 6
«Agrokimyoviy tekshirish usullari» fani talabalarda ilmiy dunyoqarashni
shakllantirishi va amaliy faoliyatga yо‘naltirishga xizmat qilishi lozim.
Hozirgi kunda uzluksiz, ilgarilovchi oliy ta’lim tizimini joriy qilish muhim
ahamiyat kasb etadi. Bо‘lg‘usi oliy ma’lumotli mutahassislar Agrokimyoning
faqatgina bugungi kundagi tadqiqot usullarini о‘rganish bilan cheklanib
qolmasliklari kerak. Ular qishloq xо‘jaligidagi mavjud muammolarning
oqibatlarini oldindan kо‘ra bilishlari va faoliyatlarini shunga mos holda tashkil
qilishlari zarurdir. Buning uchun ilm izlash, о‘rganish va unga amal qilish
lozimdir.
Mazkur о‘quv qо‘llanma “Agrokimyo va agrotuproqshunoslik” yо‘nalishi
bakalavrlari va universitetning “Agrokimyo” magistratura mutaxassisligida taxsil
olayotgan magistr talabalari uchun mо‘ljallangan.
Agrokimyoviy tadqiqotlar va ularning turlari
Agrokimyo fani qishloq xо‘jalik ekinlaridan yuqori va sifatli hosil olishda
о‘simlik, tuproq va о‘g‘it о‘rtasidagi munosabatlarni о‘rganadigan fan. U о‘z
oldiga qо‘ygan maqsad va vazifalarni hal qilishda quyidagi muammolar ustida ish
olib boradi:
о‘simliklarning ildizdan (mineral) oziqlanishi mexanizmini о‘rganadi;
tuproqlar unumdorligining о‘zgarib borishini aniqlaydi;
dehqonchilikda oziq moddalar aylanishini о‘rganadi;
о‘g‘itlardan oqilona foydalanish yо‘llarini belgilaydi.
о‘g‘itlar va boshqa kimyoviy vositalarning ekologiya, hayvon va inson
salomatligi, mahsulotlar sifatiga ta’sirini aniqlaydi.
Ayni masalalarni hal qilishda agrokimyo fani biologiya, fizika, kimyo,
matematika kabi aniq fanlarga suyangani holda, о‘zining maxsus tadqiqot
usullaridan foydalanadi.
Agrokimyoviy tadqiqotlar qо‘yilgan maqsad va vazifalaridan kelib chiqqani
holda laboratoriya, vegetatsiya, lizimetr va dala tajribalari kо‘rinishida amalga
oshiriladi.
6