Page 35 - Brochure_finale_170418_V1

Wa mir iwwert de Comité schwätzen da solle mer direkt op dëser
Plaz e puer Wuert iwwert eis Presidente verléieren. Si sinn ganz
kloer Personalitéiten an engem Veräin déi matentscheede wou de
Veräin hi steiert, wéi en sech entwéckelt a wéi et em finanziell geet.
Ee gutt Versteesdemech ënnert dem President, sengem Comité an
dem Dirigent ass de Schlëssel fir de Succès.

An de Bicher gesi mer datt d'Presidenten och oft de Veraï finanziell
gutt ënnerstëtzt hunn, heiansdo souguer mat méi engem héije
Betrag wéi de Subside vun der Gemeng oder der Regierung. Sécher
war et net ëmmer einfach an deene schwierege Joren, wéi an den
zwee Weltkricher awer och manner schwierege Joren, well do geet
et jo gutt a firwat soll d'Musek ënnerstëtzt ginn, de Veräin ze
féieren. Jiddweree vun hinnen hat secherlech eppes wou e sech mat
Häerzblut dofir agesat huet. Beim éischte wor et secher fir de Veräin
mol richteg un d'Lafen ze kréien, a déi néideg Strukturen ze schafen.
Duerno ass sech em een eegene Proufsall staark gemaach ginn. Dat
sozialt Veräinsliewen wor ëmmer wichteg, an all Initativ sollt dozou
baidroen fir datt d'Musikgesellschaft sech och sollt musikalesch
weiderentwéckelen.

Kucke mer zréck op déi lescht 25 Joer da sollt ee bei dëser
Geleeënheet ganz besonnesch déi laang Amtszäit vun 28 Joer
ernimmen, wou de Victor Christophe de Veräi presidéiert huet a mat
senger Equipe verschidde wichteg Uleiesse vum Veräi konnt
ëmsetzen. Ee vu villen anere Schafferten an dëser Equipe war
sécherlech de Fränz Fonck a senger Funktioun als Vizepresident a
Sekretair.

De Gérard Louis deen zënter 2010 als Member vum Comité aktiv
ass, huet Presidentschaft 2014 iwwerholl. All gutt Iddien an
Initiativen aus de virege Joren si vun him iwwerholl ginn, an
zousätzlech ass sech staark gemaach gi fir eng méi dynamesch
d'Jugenaarbecht, déi der Zäit ugepasst huet misse ginn.

33