Page 57 - testmergebrochureV0704_2

d'Ausland huet et Leit verschloen an hei schwätze mer vum Max
Mausen deen op der Klarinett e Meeschter ass, seng Etuden an
England op der d Guildhaal School of Music an d''Drama zu London
gemaach huet an haut, an haut souwuel ee Solo wéi eng
Orchesterspiller ass.

Zu ernimme sinn awer och e ganze Koup Musikanten déi iwwert
Joren der Leidelenger Musek trei bliwwe sinn. Oft schonns an 2.
oder 3. Generatioun. An deem Zesummenhang ass opgefall datt 3
vun eisen aktive Musikanten schonns 3 mol bäi Anniversairen dobäi
woren. (75, 100 an 125)

Dëst sinn den John Engler, de Fernand Heirens, an de Roger Hintgen.
Awer och schonns 68 sinn et e puer jonk Musikante ginn déi net an
der Broschür stongen, nach net aktiv an der „Grousser Musek“
woren, awer déizäit aktiv an de Solfègecoursen waren.

Musikant sinn war iwwert all déi Joren net einfach. De Spaass un der
Musek huet awer duerzou bäigedroen datt een bäi de selleche
Prouwen, Concerten, weltlechen a kulturellen Aktivitäten mat der
Leidelenger Musek um Dill wor.

Sinn an de Joren och schonns mol deen een oder anere Musikant
aus der Musek verschwonnen, sou sinn duerch Zouwanderung an
d'Duerf oder iwwert Kollegen ëmmer rëmm d'Reie hannert dem Pult
gefellt ginn.

Zu enger bestëmmter Zäit wor et net einfach well d'Prouwen op
Samschdes geluegt goufen, an een sech huet misse fir de Sport oder
fir d'Musek entscheeden. Doduerch sinn natierlech e puer Leit
verluer gaangen. Haut leien Prouwen an der Woch an d'Fro stellt
sech net méi.