Page 52 - testmergebrochureV0704_2

Awer d'Entwéeckelung huet net därfe stoe bleiwen an Mettële déi
agesat gi sinn fir d'Jugend der Zäit ugepasst ginn. Déi vun der
Leidelenger Gemeng 1973 ageféiert Solfègecoursen huet de Josy
Langers iwwerholl an weiderentwéckelt, so datt déi jonk Frënn vun
der Musek nom 1 Joer Solfège am 2te Joer schonns mat engem
Instrument konnten Bekanntschaft maachen. Dëst huet secherlech
d'Freed un der Musek gesteigert. Och hu sech Schüler vun him no
den Aféiereungscoursen am Konservatoire zu Lëtzebuerg
ageschriwwen. Sou konnt iwwert des wertvoll Aarbecht d'Fanfare
jonk an ausgebildte Musker an hier Reien ophuelen, wat zu enger
Steigerung vum musikalesche Niveau vun der Fanfare baigedroen
huet.

Des Aarbecht huet hir Friichte gedroen an den 80 an 90 Joren sou
datt een eng ganz Rei vu jonken Musiker an Talenter an der Musek
hat, dee och op sech opmierksam gemacch hunn bei Concoursen am
Ausland a bei deene vun der Kulturkommissioun vun der Gemeng
Leideleng organiséierten „Auditions musicales“

De musikalesche Programm ass an de Joren ëmmer méi gewues an
d'Musek huet sech souwuel un alle weltlechen an religiöse Fester zu
Leideleng bedeelegt, nei kulturell Aktivitéiten zu Leideleng ageféiert,
wéi de lëtzebuerger Owend, Mulenowend, Traipenowend oder nees
musikalesch Owender wéi d'leschteg Owender ageféiert. Kuckt een
an den Aktivititätbericht aus de 70 Jore bis haut da ass et
fantastesch ze gesinn wou schonns iwwerall e Concert gespillt ginn
ass. Erauszehiwen aus hei secher och de Waimoart ze Méichtem
wou d'Fanfare schons zenter den 80. Joren ëmmer wëllkoum ass fir
e Concert ze spillen. Doteschend sinn awer och e sellëchen
Aktivitäten aus der Rei ginn, wéi d' Calvalkaden zu Wincheringen an
nach anerer. Bei Ouvertueren vu onsen groussen Entreprisen déi
sech hei zu Leideleng implémentéiert hunn ass Präsenz gewise ginn,
an natiirlech wann sech ee vun eise Musikante bestued huet wore
mer dobai.