Page 51 - testmergebrochureV0704_2
P. 51
Et ass also musikalesch richteg gutt geschafft ginn am Veräin iwwert
all déi Joren. An dëst sollt dann och bei dem 75. Gebuertsdag vun
der Musek am Joer 1968 zum Ausdrock kommen. Mat engem flotten
Programm iwwert eng ganz Woch vum 6 bis 14 Juni an enger flotter
Festbrochür huet sech «Fanfare de Leudelange» iwwert seng
Duerfgrenzen eraus gewissen. Mat engem Concert vun der Fanfare
de Leudelange ënnert der Leedung vum Jean Mohr ass d'Festwoch
ugefaange ginn, an iwwert eng Woch hu lëtzebuergesch Museken ,
an och de Musikverein Harmonie Osburg, fir musikeleschen
Héichpunkte gesuergt. Den Ofschloss vun der Festwoch ass mat den
offizielle Evenementer agelaut ginn. E Cortège duerch Leideleng,
mat selleche Museksgesellschaften aus Lëtzebuerg, mat de Veräiner
an de politesch Verantworleche aus Leideleng, befir feielech den
neie Fändle un d' Fanfare de Leudelange iwwerreecht gouf, muss hei
ernimmt ginn. Duerno huet Fanfare de Niedercorn e Galaconcert
gespillt, an ofgeschloss sin d'Feierlechkeete ginn mat negem flotte
Bal. ( de genaue Programm an der Brochür 75 Joer)
Wéi no 23 Joer Schaffes den Jean Mohr den Dirigentestaf un sai
Schwoer de Josy Langers ofgëtt, deen virdru schonns mol bei der
Fanfare ersat hat, ginn nei Weeër getrëppelt fir sech fir d'Ausbildung
vun jonke Museker an der Fanfare anzesetzen.
Awer och aner Inititaitiven hunn sech entwéckelt. Sou sinn an de 70
Joren ënnert der Leedung vum Paul Reicher och «Leidelenger
Duerfbléiser» entstan, an dat souwuel aus Freed un der Musek
souwéi och fir d'Finanzen vum Veräin ze verbesseren, an dëst
iwwert e sellëchen Aktivitäten am Duerf an ausserhalb. Duerfbléiser
hunn eng ganz Rei Joeren existéiert, hu fir déi néideg Stëmmung op
de Kiremesbaler gesuergt, an et sinn souguer eege Stécker fir si
komponéeirt ginn vum Josy Langers, bis déi Zäit e beemol op en Enn
ganngen ass. D'Fanfare de Leudelange huet regelméisseg Concerten
op der Place d'Armes an an Parc Merveilleux zu Bettebuerg gespillt.
An souguer ass iwwert Joren un der Iechternacher Sprangpressioun
deelgeholl ginn.
