Page 21 - 10-Жаҳон тарихи метод ўзбек

@edurtm_uz

Respublika
ta’lim markazi
2-jadval
Huquqiy davlatlarda fuqarolik jamiyatining rivojlanishi odamlar
hayotida qanday oʻzgarishlarga olib keldi?

A B

Shaxsiy erkinliklar kengaydi. Feodal qaramlikdan ozod boʻlish
jarayoni davom etdi.

D

Mahalliy boshqaruv organlari shakllandi. METODIK QO‘LLANMA

Agar o‘qituvchi industrial sivilizatsiyaning qaror topishi haqida yetarlicha maʼlumotlar
berildi deb hisoblasa, darslikdagi o‘quv materiallaridan foydalanib o‘quvchilarga
savollar berishi mumkin.
Bunday hajmdagi o‘quv materialini tushuntirish o‘qituvchidan kasbiy yetuklik va
metodik kompetentlikni talab etadi. Darsni zaruriy darajada tashkil etish va o‘tkazish
uchun turli xil ko‘rgazmali qurollar, interaktiv vositalar, xaritalar, rasmlar, jadvallar,
chizmalardan hamda hikoya, suhbat, savol-javob kabi mavzuni bayon qilishning turli
usullaridan foydalanish lozim.
Asosiy bosqichda yangi mavzuni yuqorida ko‘rsatilgan metod-usullar asosida
o‘zlashtirish o‘quvchilarning o‘z fikrlarini erkin bayon qilish va o‘z nuqtayi nazarini
asoslash, shuningdek, boshqalarning fikrlariga hurmat bilan qarash hissini yuzaga
keltiradi.
III. Refleksiya bosqichi.
4-topshiriq. Esse yozish. “Fan-texnika inqilobining jamiyat hayotiga taʼsiri”
mavzusida asoslangan esse yozish.
O‘qituvchi mavzuni doskaga yozadi va o‘quvchilardan daftarlariga ko‘chirib olishni
so‘raydi.
Topshiriqni bajarish uchun ko‘rsatmalar:
• Berilgan mavzu bo‘yicha 100 ta so‘zdan foydalangan holda o‘z fikrlarini bayon
etish;
• fikrlarni umumlashtirib, asosiy faktlarni keltirib o‘tish;
• mavzu bo‘yicha o‘zining aniq xulosasini bayon etish.
O‘qituvchi belgilangan vaqt tugagach, o‘quvchilardan yozishni to‘xtatishni, so‘ng
dastlab 3–4 nafar o‘quvchidan yozganlarini o‘qib berishni so‘raydi. Qolgan o‘quvchilarda
yuqorida aytilgan fikrlardan boshqa maʼlumotlar bo‘lsa, qo‘l ko‘tarib aytishadi.
5-topshiriq. Blits-savollar. O‘tilgan mavzuning o‘quvchilar tomonidan o‘zlash-
tirilganini tekshirish maqsadida mavzu yuzasidan qisqa javobli savollar beriladi.

Uy vazifasi

XIX asr oxiri – XX asr boshlarida kapitalizm taraqqiyotida
yuz bergan tub oʻzgarishlar haqida va “XIX asr oxiri –
XX asr boshlarida yaratilgan kashfiyotlar” mavzusida
taqdimot tayyorlash.

21