Page 197 - Innovatsion iqtisodiyot

INNOVATSION IQTISODIYOT
Akram XASHIMOV

INTELLEKTUAL MULK VA
6-MAVZU
UNI HIMOYA QILISH YO‘LLARI

6.1. Intellektual mulk tushunchasi va uning mohiyati

6.2. Intellektual huquqlar
6.3. Intellektual mulk va uni muhofaza qilishning ahamiyati
6.4. Intellektual mulk obyektlarini muhofaza qilish usullari
6.5. Litsenziyalash
6.6. Intellektual mulkni boshqarish
Mavzuning qisqacha sharhi. Intellektual mulk – bu inson aql-u
zakosining mahsuli bo‘lib, u ixtirolar, adabiy va badiiy asarlar, dizayn
yechimlari, tijorat maqsadlarida foydalaniluvchi belgilar, nomlar
va tasvirlar ko‘rinishida namoyon bo‘ladi. Zamonaviy voqelikda

intellektual mulkni huquqiy himoya qilish va asrab-avaylash
g‘irrom tijoratchilardan himoya qilishning samarali vositasi bo‘lib,
tashkilotning kapitallashuvi va daromadlarini oshiradi, intellektual
huquqlarni buzuvchi tashkilotlar faoliyati natijasida mavqega putur
yetishi xatarini pasaytiradi.
Intellektual mulk huquqlarini himoya qilish turli subyektlarga
turli tavsifdagi vazifalarni hal qilish imkonini beradi. Kompaniyalar

uchun bu investitsiya va adolatli raqobatni taʼminlashga qaratilgan
muhim huquqiy mexanizm hisoblansa, isteʼmolchilar uchun esa
mahsulot sifati va xavfsizligini taʼminlashning muhim dastagidir.
Hukumat intellektual mulk huquqini himoyalashning yaxshi yo‘lga
qo‘yilgan tizimi orqali investitsiyalarni jalb qilishning muhim sharti
hisoblanuvchi qulay biznes muhitini yaratadi. Shundan kelib chiqqan
holda mazkur mavzu doirasida intellektual mulkni himoya qilish
masalalari muhokama qilinadi, muhokama doirasida intellektual
mulk, intellektual huquq, intellektual faoliyat, mulk huquqi,

intellektual faoliyat natijalari, intellektual mulk obyektlari, tovar
belgisi, litsenziya, patent, mualliflik huquqi, patent huquqi, turdosh
huquqlar, sanoat namunasi, ixtiro, foydali model, litsenziya turlari,
intellektual mulkni boshqarish kabi tushunchalarga to‘xtab o‘tiladi.

196