Page 202 - Innovatsion iqtisodiyot

INNOVATSION IQTISODIYOT
Akram XASHIMOV
takrorlani shi yoki umumiy havola yo‘sinidagi normalarning paydo
bo‘lishiga olib keladi. Shuningdek, sohaga oid qonunlar ilmiy
konsepsiyasi ixchamlashib, kodeksda yaxlit ilmiylikka asoslangan,
nazariy jihatdan asoslash mumkin bo‘lgan normalar jamlanishi
mumkin. Eng asosiysi, huquqni qo‘llash amaliyoti yanada jadallashib,

normalarni sharhlash va hujjatlarda aks ettirish imkoniyati yanada
kengayadi.
Shunday ekan, intellektual mulkning huquqiy asoslarini yanada
takomillashtirish, davlat organlari va manfaatdor tashkilotlarning
birgalikdagi faoliyatini taʼminlash, eng asosiysi, jamiyatning turli
qatlamlari, ayniqsa, yosh avlod orasida sohaga oid nazariy, huquqiy
bilimlarni tizimli targ‘ib qilish dolzarb vazifalardan biridir.
Mamlakatimizning asosiy qonuni O‘zbekiston Respublikasi
Kons titutsiyasidir. Bizning intellektual mulk obyektlarini huquqiy

muhofazalash sohasida amaldagi qonunchiligimiz bevosita mulkka
egalik va ilmiy-texnik ijodiyot erkinligi huquqlari Konstitutsiyada o‘z
aksini topgan. Xususan, Konstitutsiyaning 53-moddasida “Har kimga
ilmiy, texnikaviy va badiiy ijod erkinligi, madaniyat yutuqlaridan
foydalanish huquqi kafolatlanishi, intellektual mulk qonun bilan
muhofaza qilinishi, davlatning jamiyatning madaniy, ilmiy va
texnikaviy rivoj lanishi haqida g‘amxo‘rlik qilishi” haqida so‘z
16
yuritiladi.
Intellektual mulk obyektlarini yaratish, muhofazalash va
foydalanish bilan bog‘liq huquqiy munosabatlar fuqarolik huquqi
sohasi hisoblanadi va O‘zbekiston Respublikasining Fuqarolik
Kodeksi bilan tartibga solinadi.
O‘zbekistonda intellektual mulk huquqlarini muhofazalash bilan
bog‘liq masalalarni tartibga soluvchi quyidagi qonunlar amal qiladi:
1996-yil 30-avgustda qabul qilingan “Mualliflik huquqlari va
turdosh huquqlar to‘g‘risida”gi qonun;

1994-yil 6-mayda qabul qilingan va 1997-yil 26-dekabrda
o‘zgartirilgan “Ixtirolar, foydali modellar va sanoat namunalari
to‘g‘risida”gi qonun;

16 O‘zbekiston Respublikasi Konstitutsiyasi, https://lex.uz/docs/-6445145
201