Page 405 - Innovatsion iqtisodiyot
P. 405
INNOVATSION IQTISODIYOT
Akram XASHIMOV
10.2-jadvalda aks ettirilgan.
Biznes farishtalar – bu hech qanday garov taʼminotisiz, yuqori
o‘sish imkoniyatiga ega bo‘lgan kompaniyalarni shaxsiy mablag‘lari
hisobidan moliyalashtiradigan badavlat kishilardir.
“Farishta” tushunchasi XX asrning boshlarida Nyu-Yorkning
teatr xodimlari o‘rtasida vujudga kelgan. Nyu-Yorkning Brodvey
massividagi teatrlarning yangi sahna asarlarini moliyalashtirgan
ishqibozlarni “farishtalar” sifatida ataganlar, ularni sanʼatga bo‘lgan
qiziqishi va aktyorlar bilan tanishish zaruriyati bu kabi moliyaviy
tavakkalchiliklarga qo‘l urishlariga sabab bo‘lgan. Agar “farishtalar”
tomonidan moliyalashtirilgan sahna asarlari muvaffaqiyat qozonsa,
ular foyda ko‘rganlar, aks holda zarar bilan kifoyalanganlar. Biroq
ayrim manbalarda taʼkidlanishicha, “biznes-farishta” tushunchasi
bunga qadar ham mavjud bo‘lgan ekan.
404
