Page 726 - Innovatsion iqtisodiyot

INNOVATSION IQTISODIYOT
Akram XASHIMOV
bo‘lgan, tegishli texnika vositalari yordamida ko‘rib va eshitib
(ovoz jo‘rligida bo‘lganida) idrok etish uchun mo‘ljallangan asar,
shu jumladan dastlabki yoki keyingi qayd etish usulidan qatʼi nazar
kinematogra fiya asarlari va kinematografiyanikiga o‘xshash vositalar
bilan ifodalangan barcha asarlar (tele- va videofilmlar, diafilmlar,

slaydfilmlar hamda boshqa asarlar).
Audiovizual asarni tayyorlovchi – shunday asarni tayyorlash
tashabbusi va masʼuliyatini o‘z zimmasiga olgan yuridik yoki jismoniy
shaxs.
Auditorlik tashkiloti – auditorlik tekshiruvlarini o‘tkazish va
turdosh xizmatlar ko‘rsatish bo‘yicha auditorlik faoliyatini amalga
oshiruvchi tijorat tashkiloti.
Auditorlik faoliyati – auditorlik tashkilotlarining auditorlik xiz-
matlarini ko‘rsatish bo‘yicha tadbirkorlik faoliyati.

Aksiya – o‘z egasining aksiyadorlik jamiyati foydasining bir qismini
dividendlar tarzida olishga, aksiyadorlik jamiyatini boshqarishda
ishtirok etishga va u tugatilganidan keyin qoladigan mol-mulkning
bir qismiga bo‘lgan huquqini tasdiqlovchi, amal qilish muddati
belgilanmagan, egasining nomi yozilgan emissiyaviy qimmatli
qog‘oz.
Affiliatsiya – bu boshqa odamlar bilan birga bo‘lish istagi,

boshqa odamlar bilan iliq, ishonchli, hissiy jihatdan mazmunli
munosabatlarni o‘rnatish zarurati.
“Aqliy hujum” usuli – bu bir vaqtning o‘zida ikki yoki undan ortiq
odamning turli xil g‘oyalar, fikrlar va takliflarni muhokama qilish,
izlash va ishlab chiqishda faol ishtirok etishiga asoslangan usul.
Barchaning eʼtiboriga yetkazish – asarlarni yoki turdosh
huquqlar obyektlarini simlar yoki simsiz aloqa vositalari orqali
telekommunikatsiya tizimlaridan foydalanuvchilar o‘z tanloviga ko‘ra
istalgan joyda va istalgan vaqtda ulardan foydalana olishi mumkin

bo‘lgan tarzda barchaning eʼtibori uchun yuborish.
Barchaning eʼtibori uchun yuborish – asarlarni yoki turdosh
huquqlar obyektlarini efirga uzatish, kabel orqali yuborish,
shuningdek ularni yuborish joyida vakillari bo‘lmagan omma eshitib

725