Page 8 - ЖАРАТЫЛЫСТАНУ-6
P. 8
Зерттеудің нысаны және пәні. Адамдардың айналасын қоршаған
өлі және тірі табиғат нысандарының кез келгені жаратылыстану
ғылымдарының зерттеу нысаны және пәні болуы мүмкін (1-сурет).
Мүмкін ол өлі зат (тау жынысы) немесе тіршілік иесі
(ақбөкендердің популяциясы), белгілі бір болып жатқан үдеріс
(жер сілкінісі) немесе құбылыс (жел) болуы мүмкін.
Нысан (объект) – зерттеушінің зерттеу мақсатында таңдаған
мәселелік (проблемалық) жағдайды туғызатын үдеріс немесе
құбылыс. Зерттеу нысанының атауы Не қарастырылады? деген
сұраққа жауап береді.