Page 27 - E-Modul Pendidikan Bahasa Bali SD
P. 27
Samaliha, yening cara sesuratan (tulisan) pinaka panglimbak saking cara
bebaosan sane kawentenannyane doh ungkuran. Ring sor puniki kaicen imba
marupa foto sane nujuang basa bebaosan sane kaangen sajeroning kahuripan
sarahina-rahina.
Foto Imba ri kala mabebaosan ring pawiwahan
Foto Imba bebaosan ri kala Dhama wacana
Ngamedalang daging pikayunan maduluran basa sesuratan jakti-jakti
muatang kapradnyanan mangda prasida sane kamanahang pateh ring sane
kasurat. Sajeroning basa sesuratan mangda nguratiang tata sesuratan manut
uger-uger. Sajabaning punika, kabuatang tata cara nyusun sajeroning tata
manah nganggen lengkara sane manut miwah patut mangda nenten ngawinang
salit arsa. Kahanan ring basa sesuratan nenten sajangkep kahanan ring basa
bebaosan, punika mawinan kabuatang kawagedan ngawetuang daging manah
antuk basa sesuratan.
24
