Page 9 - Getroud met 'n Leuen

NabasDiep VERLIEF OP 'n LEUEN

Die groot vraag is natuurlik of 'n verborge toksiese persoon weet wat hy doen? Tipies, ja, hulle
weet wat hulle doen. Hulle sal hulle wandade aan ander ontken en hulle optrede vir hulleself
regverdig, net soos die meer ekstroverte tipe. Hulle voel hulle optrede is geregverdig om te
kan kry wat hulle voel hulle nodig het / wil hê / verdien, en hulle regverdigings is heeltemal
geoorloof vir hulleself, selfs al sou niemand anders saamstem met hulle logika nie. Daar blyk
ook 'n mite te wees dat hulle manipulasies en optrede minder giftig en skadelik is as die
ekstroverte tipe narsis, maar in die werklike lewe is dit bloot net nie waar nie. Hulle is elke
bietjie so giftig en skadelik, en selfs meer so, omdat jy so verblind word deur hulle. Hulle is
soos die bedekte operasies in die weermag; hulle rig die verwoesting in jou lewe aan en jy het
hulle nooit sien aankom nie.

Die hele lewe is 'n onvoorspelbare pad, en tog is daar vir elke lewensvraag of probleem en vir
elke besluit in die lewe, 'n antwoord te vind binne die Bybel. Die mate waartoe jy gewillig is
om die almagtige God te gehoorsaam en te glo dat jou pad reeds millennia gelede deur Hom
bepaal is, bepaal ook die mate waarin jy glo dat Sy wil in jou lewe sal geskied. Die ironie is dat,
of jy dit glo of nie, Sy wil in elk geval ten volle in elke mens se lewe geskied. Dit is nie dat daar
geen swaarkry in die lewe van die Here se kinders is nie, in teendeel is dit dalk net die
teenoorgestelde wat geld. Die Here sê dit is hoekom ons hier op aarde is, nie om onsself te
dien nie, maar om ander tot voordeel te wees. Jou geloof rondom hierdie feite is die mate
waarin jy vrede sal vind in die omstandighede waarin jy jou mag bevind. Om dit te bly glo is
groot genade, veral as die wanhoop jou laat voel of die einde van die pad vir jou aangebreek
het.

Uit hierdie desperate situasie verskyn drie huwelike. Jou huwelik met jou God, met jou kerk
en met jou lewensmaat en familie. Jou lewensmaat is nie altyd wie sy voorgee om te wees nie
en daarom word die ander huwelike al hoe belangriker. Dit is om die toksiese besoedeling te
oorleef en af te was en daarom staan jy so verstom voor Efesiërs, die hele Bybel en veral
Psalms wat jou sin gee in goeie en slegte tye en in alle omstandighede.

Die titel van die boek is soos 'n ysberg, nooit sal daar genoeg bladsye en papier kan wees om
die skade te beskryf wat toksiese mense (mense met persoonlikheidsversteurings) aan
verhoudings aanrig nie, des te meer die verwoesting in 'n huwelik. Nog minder kan daar nie
genoeg papier wees om die lof en genade van Jesus te beskryf nie. Persoonlikheidsversteuring
(soos Narsisme, Antisosiale persoonlikheid versteuring, geestes versteuring, Obsessief
Kompulsiewe Persoonlikheidsversteuring (OKPV), Grensdraad Persoonlikheidsversteuring
(GPD), ensovoorts) word in honderde boeke en geskrifte beskrywe. Die probleem is dat
niemand 'n mens vooraf inlig dat daar mense is met wie jy in 'n verhouding is en saam met
wie jy 'n toekoms wil bou, wat doelbewus beplan om jou lewe te verwoes nie.
Die boek handel grootliks oor die reuse impak wat toksiese mense op verhoudings het en dan
veral op huwelike (die floreer terrein vir toksiese mense OF narsiste). Is daar enige
regdenkende mens wat sal verwag dat hierdie wonderlike en liefdevolle metgesel van jou,
eintlik in wese besig is om jou lewe en siel se ondergang te beplan? Dis helaas ondenkbaar!
Maar die ander dele van die boek is oor die groot genade van 'n ongelooflik wonderbare God
in die hemel, wat werklik vier en twintig uur per dag weet of jy sit en of jy staan, of jy huil en
of jy vrees en of jy besig is om mal te word en of jy normaal is. Die verhouding met die Here

* Verwys asseblief na die Verkorte Woordelys agter. 9