Page 29 - HOH 27 FEB 2016

Feiten Onderzoek riba sala di operacion a keda cla y pronto
lo yega cerca Gobierno y Parlamento

Friday, 26 February 2016 16:23
Comparti

Feiten Onderzoek a cuminsa algun luna pasa ora Parlamento a pidi minister di Salubridad pa haci
investigacion dikon e sala di operacion a keda afo pafo di e proyecto di renovacion y expansion di
Hospital. Den e caso aki a cuminsa cu e Feiten onderzoek via Ernst and Young. E personanan encarga cu
e proyecto di wordo splica kiko e ta.

E investigacion a tuma su tempo y ta algo delicado. Mester a haya tur e documentonan necesario. Algun
dia pasa nan a haya e documentonan y ta revisando esaki segun Gino Goeloe Ernst and Young tambe lo
duna un splicacion amplio na Hunta di Supervision. Despues nan tambe lo presenta e rapport na
minister. Partnernan cu mester a wordo entrevista a wordo entrevista. Ta pendiente di e conclusion.
Tabata tin hopi pregunta y awor tin un rapport bon documenta. Tur hende entrevista a copera cu e
investigacion. Ta hendenan cu ta trahando ainda na Hospital y otronan cu no ta trahando na Hospital.
Tin e parti huridico tambe den e caso aki. Mester tuma un luna of dos luna pa analisa e documento y
mira si loke a wordo treci dilanti ta cuadra cu e realidad. E persona cu a wordo entrevista mester haya
tempo pa tuma nan preocupacion. Gino Goeloe a splica cu mester debati riba loke a wordo
presenta. Ainda no por bisa cu tin un eror cu a wordo cometi. Den e conclusion di e rapport lo bay mira
esaki ora cu presenta esaki na e minister. E parlamentarionan tambe lo haya esaki. Ta un rapport hopi
profesional. Pa loke ta e sala di operacion por bisa cu esaki lo bay bin segun Gino Goeloe. A aproba 15
miyon florin pa cuater sala di operacion nobo cu tur ekipo high Tec. Gino Goeloe a splica cu ta salanan di
operacion mucho mas grandi. Kier duna e servicio di calidad na pais Aruba. Mester ta contento cu e
salanan cu tin tambe ta bay wordo renoba. E ta algo nobo pa region Caribense unda nos tin sala mas
grandi y renoba. Ta contento como hunta di supervision cu e cosnan aki a wordo soluciona.