Page 34 - HOH 27 FEB 2016

Pakete pa cuido di nos grandinan ta un necesidad y deseo di
Wit Gele Kruis

Friday, 26 February 2016 16:30
Comparti

Wit Gele Kruis tin diferente deseo. Mescos tin acceso pa carchi di AZV etc, e clientenan di WGK tambe
por yega cu e carchi di AZV y haya e servicio di WGK. Gino Goeloe a splica cu nan ta bogando pa logra
esaki. Ta basta leu cu minister y AZV pa yega na e pakete di cuido di nos grandinan.Ta pidi e comunidad
pa cuida nan curpa.

Mester come saludable y baha man na sucu cu salo y vet. Mester haci movecion 30 minuut pa dia y laga
harinja un banda y baha uso di refresco. Bebe awa ta importante pasobra ta e likido mas saludable cu tin
riba Mercado. Gino Goeloe a splica cu ta un curpa nos tin y mester cuide. Pa algun anja caba WGK a
mustra gobiernonan pa busca manera di subsidia e berdura of fruta di un forma pa concientiza y yuda
esnan cu mester haci uso di esaki. Loke WGK ta duna conseho riba dje ta netamente e productonan cu ta
cay caro. Mester yega na un areglo cu e comerciantenan pa logra un forma cu ta subsidia e comunidad.
Mester duna e comunidad e toolsnan necesario. Si bay un fastfood ta haya un cuminda barata. Di otro
banda un fruta ta caro y cu e prijsnan aki e no ta contribui na e salud cu ta desea segun Gino Goeloe. Nan
di WGK kier bay na e cuido di 24/7. Kier bay den e parti di piket dienst y traha weekend. Awor aki ta
trahando di dialuna pa diabierna pa banja e grandinan y weekend famia ta tuma over. Kier sigui duna e
cuido aki 24/7 na e comunidad di Aruba. E manpower mester. Mester di 20 personal extra y e lo costa 1.5
miyon extra pa anja. Un pashent kier ta den su hogar como grandi. Den su cas e mehoracion of cura ta
bay mas liher. Gino Goeloe a splica cu por tuma hende den servicio pa cuida. Kizas cu e aumento di 2,50
por tuma dos hende mas. E vergrijzing ta tumando lugar. E lo dal Aruba duro. Ya caba a ripara cu e
situacion tey y e personal di WGK a cuminsa ripara e cambionan caba. WGK ta haci calculacionnan
necesario y mira cuanto hende por pone den servicio.Nan ta traha cu enfermeronan riba nivel di HBO pa
e pashent haya e servicio necesario y profesional. Awor aki WGK su servicio ta wordo subsidia dor di
gobierno. Un parti tambe ta bin di AZV. Tur instancia cu ta dokter di cas etc ta bende producto na AZV.
Kizas ta bon pa WGK cu ta duna servicio tambe haci mescos bende e producto na AZV. Tin servicionan
caba cu nan ta atende cu AZV. Pa basta tempo caba e combersacionnan aki ta andando segun Gino
Goeloe.

Comentarionan (0)