Page 28 - ҚАЗАҚ ӘДЕБИЕТІ. 5-СЫНЫП. АТАМҰРА. СҮГІРБЕКОВА А.І.

: – Эпос гректің баяндау, әңгімелеу деген мағына­
дағы сөзінен шыққан. Эпос сөзі әдебиетте екі мағынада қол­
данылады. Бірі – әдебиет жанры, екіншісі – халық ауыз әде-
биетінің жырлары. Әдебиетте жанрды үш текке бөліп
қарастырамыз.

: – Иә, Айзере, дұрыс айтасың. Әдебиеттің жанрлық түр­
лерін әдеби тектер деп атаймыз.

әдебиет тектері
ЭПоС (баяндау деген мағынада) – көркем әдебиетте
өмірді суреттеу тәсілі оқиғаны баяндап жеткізуге негіз­
делетін шығармалар тобы. Эпостық шығармада әртүрлі
кейіпкерлердің іс-әрекетін, хал-жағдайын, мінез-қа-
сиеттерін, өзара қарым-қатынастарын суреттеп көрсетуге
мүмкіндік мол. Ерте дәуірлерде эпос деп батырлар жыры
сияқты көлемді поэзиялық туындыларды атаған. Қазір
де ауыз әдебиетінің осындай үлгілері (батырлар жыры,
тұрмыс-салт жыры, тарихи жырлар) эпос деп аталады.
ЛИРИКА. Лирикалық шығармада негізінен алған­
да жеке адамның көңіл күйі, сезімі суреттеледі. Ақын
көбінесе өз жайын, өзінің айналадағы өмірге, әртүрлі
құбылыс, жағдайларға көзқарасын сипаттайды.
дРАМА (грек. drama – қимыл-әрекет) – сахнаға ар­
налған оқиғаны, оған қатысушы кейіпкерлердің іс-әре­
кетін, көңіл күйін көрсету арқылы баяндайтын әдеби
шығармалар.
ДРАМА
ЭПОс Трагедия,
Миф, ертегі, комедия,
аңыз, әңгіме, ЛИРИКА драма.
повесть, поэма, Салт жырлары,
роман. жан-жануарлар туралы
жырлар, өлең, терме,
толғау, тақпақ,
арнаулар, т.б.

26