Page 69 - ҚАЗАҚ ӘДЕБИЕТІ. 5-СЫНЫП. АТАМҰРА. СҮГІРБЕКОВА А.І.

ТӘРБИЕНІҢ ҚАЙНАР БҰЛАҒЫ

: – Тәрбиенің қайнар бұлағы ұлттық дәстүрімізден, атадан
балаға мирас болып келе жатқан рухани мұраларымыздан
басталады.

: – Иә, келісемін. Қазақтың бүгінге жеткен төл рухани
мұрасы ең біріншіден, қазақ елінің ұландары – біз үшін
аса маңызды. Өткенімізді білмей, болашаққа баруымыз
мүмкін емес.

: – Айзере, тарихымыздың әр кезеңіне сәйкес, әдебиеті-
міздің де кезеңдік ерекшеліктері болады.

: – Егер қазақ әдебиетін тарихи өлшеммен бөлсек, төмен­
дегідей жіктеледі:

1. Көшпелі тайпалық әдебиет.
2. Ежелгі дәуір әдебиеті.
3. XV–XVIII ғасырлардағы қазақ әдебиеті.
4. XIX ғасыр – XX ғасырдың бас кезіндегі әдебиет.
5. Кеңес дәуіріндегі қазақ әдебиеті.
6. Тәуелсіздік кезең әдебиеті.

: – Дұрыс айтасың, Айзере! Он тоғызыншы ғасырдан
бастап қазақтың жазба әдебиетi – әлеумет халiн ұғып,
ел қамын жақтауға кiрiсiп, өлең бұрынғыша, қызық,
сауық сияқты ермек емес, елдiң саяси пiкiрi мен тiлек, мақсат,
мұң, зар сияқты сезiмдердiң басын қосып, жаңадан ой негiзiн,
салт-санасын құрауға кiрiстi, бұл уақытқа шейiн болмаған
әлеуметшiлдiк сарыны, азаматтық нысанасы бой көрсеттi. Бодан
болу, сонымен байланысты туған ел iшiндегi өзгерiстер, қанау­
дың күшеюi, халықтың тiршiлiк ету аясының тарылуы, ұлттық
намыстың тапталуы қазақ ақындары шығармаларында кеңiнен
бейнелендi.

65