Page 16 - MIN VOS

A inverti hopi placa den "Stimami Sterilisami"

Friday, 02 June 2017 10:21
Comparti

A inverti hopi placa den e campaña "Stimami Sterilisami". Ta hopi importante pa tin doñonan
responsabel. Hende ta kere cu cacho of pushi di caya, no ta problema di nan.

E ta cuminsa na cas, unda cu si bo tin un caso of un pushi, bo mester cuida nan bon. Esey ta loke ley di
cacho tambe ta purba di dirigi na dje. E hecho ta cu mester di e cacho den cura. Hopi cacho cu ta riba
caya tin doño. Mester duna nan cuminda y cuido y mester sterilisa nan. Esey ta un doño responsabel ta
sterilisa su cacho of pushi. Ora nan sali riba caya, nan por saca un otro cacho of pushi na estado. Ta
importante pa realisa cu tur mester ta responsabel y tur mester contribui na e solucion, segun Tissa
Lasorte di Bucuti & Tara Beach Resort. Pikimento di cacho Tin algun grupo cu a dicidi di bay piki cacho
riba caya, opera nan hiba nan bek. Esey no ta den e plan di Bucuti. Segun Tissa Lasorte di Bucuti, si, pero
e ta parti di e plan. Ora sterilisacion ta e unico solucion cu tur ta di acuerdo cun'e, esta tur fundacion ta di
acuerdo cu esey ta e unico solucion. Parti di esey kiermen cu si no por haya un cas pa un cacho, pasobra
esey ta parti di e problema. Tin demasiado cacho y pushi riba caya y no tin suficiente hende pa cuida nan.
Loke tin cu haci ta haci e populacion mas chikito. Loke tin cu haci ta pone bek unda e tabata biba, pero
por lo menos e no ta multiplica. E pena ta cu bo no ta yudando e cacho ey tin un miho bida. E ta bay sufri
di hamber, e ta bay sufri di malesa, pero e no ta multiplica cu despues bo ta haya miles di cacho cu ta
sufri.

Esey ta e motibo cu e ta importante parti di e programa pa haci e sterilisacion y hasta cacho y pushi riba
caya, cu por ta no tin doño pa cuida nan. Fondonan E fondonan ta sali di e hotel su operacion. Ta
fondonan di e hotel mes, cu en bes di gast'e riba algo otro, ta gaste riba e programa aki pasobra ta
importante pa contribui na nos comunidad. Ta stima bestia tambe. Pero pasobra ta realisa cu ta un
problema grandi riba Aruba cu no a haya hopi progreso pa yega na un solucion. Bucuti, mescos cu e
fundacionnan y tur e veterinarionan ta di acuerdo cu esaki ta e unico solucion. Un hende mester bin
dilanti bisa cu e ta yuda. E drempel ta e placa. E drempel ta cu no por afford di haci e sterilisacionnan
aki. Bucuti tabata kier pa ta e prome lanta para y bisa cu ta duna hopi placa na e proyecto aki. A cuminsa
cu "Stimami Sterilisami". Awo a haya apoyo di ATA y Tourism Fund Enhancement Fund den e prome
aña y ta spera cu mas apoyo bin. Etapa nobo tin un fin? Na fin di e aña aki tin cu evalu'e atrobe. Pasobra
si no tin mas fondo, no lo por sigui'e. Pesey mester ma compania, mas persona, mas hende pa contribui
na e solucion aki. Cooperacion E veterinario ta haci e operacionnan. Loke ta pasa ta cu e fundacion awo
ta paga pa mita di e prijs di e operacion y nan ta invoice e hotel y e hotel ta paga pa e otro mita. Tambe
loke nan a bay di acuerdo cun'e, ta pa nan tur cobra e mesun prijs, cu e ora tin un prijs fiho. Tambe nan
ta haci microchip, dus nan ta inclui den e prijs di e sterilisacion, hinca microchip den e cacho of pushi y e
hotel ta paga pa e microchip mes.