Page 108 - רב סעדיה גאון בלאו יהלום
P. 108
| 106תפסיר ספר הגלוי
תוריה פי קולהא וילך ראובן בימי קציר חטים וימ'
דודאים בשדה (בר' ל יד) פהד'א הוא אחד אבואב שרפהא
לאנהא תכתב לנא אלאכ'באר אלמחמודה לנפעל מת'להא
5והדא מן פעל ראובן ואל יעקוב מחמוד לאן וקת
חצאד אלחנטה סביל אלצחרא אן תכון ממלוה מן אל
פואכה אלמרבובה פתרך ראובן ג'מיע ד'לך ולקט
מן אללפאח לאנה מבאח לא ימלכה אנסאן והד'א
פי אלעקול אן אליסיר אלחלאל כ'יר מן אלכת'יר אלחראם.
10וקאלת אלכתב טוב מעט לצדיק מהמון רשעים
רבים :טוב מעט ביראת י'י מאוצר רב ומהומה
בו (תה' לז טז) פאללפאח אלחלאל כ'יר מן אלתפאח אלחראם
וענב אלת'עלב אלחלאל כ'יר מן אלענב אלחראם ולכן
מנשה ונט'ראוה פי גפלה .ואמא מא וג'דנא נט'ראוה
15יעיבון בה פמת'ל קולה ויאמר למך לנשיו עדה
וצלה וג' (בר' ד כג) כי שבעתים יקם קין פאג'בנאהם באן
אלמראד פי ד'לך תעריפנא אחד אמרין נדאמה
למך עלי כ'טיתה לננדם עלי אלכ'טא אד'א פסרנא
כי איש הרגתי מת'בתא פקלנא אד'א כאן קאתל
20קין יקאד בה כת'ירא ועלי אן קין קד קתל פלמך
אלד'י קתל רג'לא וטפלא פאחרי אן יקאד בהמא
אכת'ר ואכת'ר וסימא אן אלטפל לא כ'טיה לה בתה
ולד'לך זאדה (ו)תבריה מן ד'נב קין .אד'א פסרנא
