Page 184 - רב סעדיה גאון בלאו יהלום
P. 184
| 182ספר תיקון טעויות
אלד'י כ'לק פיה במא תקדירה אלף סנה או מאיה אלף
5סנה או אכת'ר מן ד'לך לאמכן אלסאיל אן יקול :ולם לם
יקדם כ'לקה קבל ד'לך אלוקת איצ'א .ואד'א כאן אלסואל
ואקף פי ג'מיע אלאוקאת אלד'י יצח כ'לק אלעאלם פיהא
ולא וקת מן אלאוקאת אלד'י כאן יצח כ'לקה פיה אלא וימכן
אן יקאל :ולם לם יקדמה קבל ד'לך אלוקת פיג'ב אסקאט
10הד'א אלסואל אד' מא הד'א סבילה פהו סאקט.
ואד'א כאן הד'א הכד'י סקט סואל אלקום מן הד'א
אלוג'ה לא מן אלוג'ה אלד'י ד'כרה .וקד אג'אב
בעץ' אלעלמא פי הד'א אלבאב ג'ואב אכ'ר
והו אנה קאל אן אללה תעאלי כ'לק אלעאלם פי וקת אוג'בת אלחכמה
15כ'לקה פיה פלד'לך לם יקדם כ'לקה קבל ד'לך אלוקת
ולם יוכ'רה .וממא וג'ד לה פי תפסיר הד'ה אל
פרשה קולה :אנא אד'א רמנא [נ]תוהם אן אלאשיא אחדת'ת
נפסהא פלא יכ'לו ענדנא מן אן תכון צנעת נפוסהא
פ 1ד ע"ב
קבל וג'ודהא או בעד .פאן תוהמנא אנהא כ'לקת נפסהא
מן קבל אן תכון פמא הו מעדום לא יכ'לק שיא ואן ט'ננא
אנהא צנעת נפסהא בעד מא כאנת פקד אסתגני
בסבאק כונהא אן תצנע נפסהא פצ'רורה נעלם אן גירהא
5אחדת'הא .קאל מבשר :קד סהא פי הד'א
