Page 18 - majalah espero

Tan rinasa
Wis setaun donyaning pendhidhikan nandhang

dhuhkita
Sungkawa kaya kelangan jiwa raga

Para siswa kang ginadhang dadi bebantening nusa
bangsa
Nerusake tongkat estafet para sarjana kang sujana

Wis setaun iki ora katon trawaca
Jumangkah gagah mecaki dalaning sekolah

Golek ngelmu kanggu sangu nggayuh idam-idaman
satuhu

Sepi mamring pawiyatanku saiki

Padatan regeng gayeng kadya Ponakawan lagi
cecangkriman
Sepi mamring pawiyatanku saiki

Tan ana sabawa sanadyan mung swara godhong
garing kapidak suku lumayu

Sepi mamring pawiyatanku saiki
Tanpa ana siswa lan dwija nyawiji ing papan sayekti

Nyinau ngelmu kanggo sangu urip ing tembe mburi

Luh tumetes nyawang godhong garing katiup samirana
manda
Tiba kumleyang ing jagad bantala

Apa ya bakal kaya mangkana nasibe para manungsa
Kang bakal lampus tanpa sabawa

Ngadhepi virus kang tanpa rupa nanging kebak wisa
Virus sing ora bisa dideleng nanging agawe geter

Apa ya donyaning pendhidhikan tetep meneng anteng

14