Page 20 - majalah espero

tamu. Kanthi mengkono bocah lanang calon garwane mau banjur iso nonton blegere calon

bojone. Mulo den arani adat nontoni.
2. Tembungan
Yen calon manten wis rumongsa sreg atine banjur wong tuwane seje dina ngajak pinisepuh
kang piniji dijak nembung marang wong tuwane bocah wadon mau. Matue yen arep
bebesanan kanthi dhaupake putrane. Ono sawenehing laladan kang ngarani bab iki kanthi
tembung ndhodhog lawang.
3. Tengeran
Sakwuse entuk pawangsulan saka sudarmane bocah wadon yen putrane wis mathuk, banjur
pihak calon manten lanang menehi tetenger utawa tetali. Kang kaprah diwujudake kanthi
mas-masan, kayata ali-ali, gelang lan liya-liyane. Kabeh kuwi minangka tali gunem, nadhakake
yen wis temen-temen anggone niyat jejodhohan, yen tembung saiki diarani serius.
4. Lamaran
Adat lamaran iku ono
saweneh kang ngarani

asok tukon, tegese
kulawarga calon manten
kakung menehi barang-
barang marang kulawarga
calom manten putri.
Dene barang kang digawa
mau kaperang ana telung
perangan. Siji, sih pernata

tegese mujudake barang
baku minangka tatacara
wajib, kayata pisang
sanggan, majemukan, panggang tumpeng, suruh ayu lan liya-liyane. Kang kaloro, sih
katresnan, barang-barang iki kanggo calob manten putri, wujude sandhangan sak pengadeg,
perhiasan mas-masan, pranti ngadi sarira lan sak panunggalane. Kang katelu, sih kadarman,
tegese wujud peparing kanggo besan utawa wong tuwane calon manten putri. Bab iki
ditujokake kangga paring pambyantu nggone mantu. Wujude prabeya kang sinebut urun
srakah, urun pajangan, wujud dhuwit sak mampune wong atuwane calon manten kakung.
Adat iki ditindakake sak durunge ijab qobul
5. Pasang tuwuhan
Adat pasang tuwuhan diadani ana daleme manten putri wujud gapura utawa kerun kang

winangun edi peni kanggo mangayubgya rawuhe tamu. Wujud kang pinajang ing gapura mau
tetuwuhan komplit, kayata godhong tebu, godhong ringin, janur kuning lsp. Sakliyane
minangka pepasren utawa hiasan amarga jaman biyen isih prasaja, mung nggunakake
gegodhongan ing kiwa tengene omah, nanging kabeh mau jebul duwe pangajab luhur.
Umpamane, nggunakake janur iku saka lingganing tembung sejatining nur, ing pangajab
supaya cahyane temanten sumunar, godhong ringin maweh pangajab temanten bisa dadi
pengayoman tumrap keluwargane, tebu saka lingganing tembung antebing kalbu tegese

16