Page 21 - majalah espero

antebing atine temanten sakloron jroning palakrama, godhong girang ing pangajab swasana

jroning duwe gawe bisoa seneng kebak rasa bagya mulya, lan sak teruse.
6. Siraman
Adat siraman kanggo calon
temanten kang awujud tata
cara reresik badan utawa
fisik calon temanten sak
karone. Adat iki darbe
pangajab temanten kang
arep nindakake palakrama
mau resik badan utawa
ragane nanging uga resik
batin lan rohanine satemah

jroning nindakake
palakrama kalis saka
rubeda apa wae. Adat
siraman dumadi saka pangabekten marang sudarma, nyuwun idi pangestu konjuk pinisepuh
lan siram jamas saka banyu sumber pitu lan katutup kanthi dhahar andrawina kang kaprah
sinebut dulang pungkasan tegese nuduhake kadiwasane temanten kang arep palakrama, mula
yen anggone ndulang iki wis pungkasan, sakwise temanten kudu mandiri.
7. Dodol dhawet
Ing adicara dodol dhawet, pamangku gati sekaliyan maragakake kayadene bakul dhawet. Sing

putri nggendong tenggok utawa wakul cilik dene garwane mayungi ing sak wurine, kaya bakul
dhawet arep budhal menyang pasar. Banjur pinarak ing papan kang wis sumadya lan
nawakake dagangane, dene sing tuku kulawarga kabeh kang ana ing papan kono nganggo
wingka utawa pecahan gendheng minangka dhuwite. Tata cara iki darbe pangajab muga-muga
anggone duwe gawe bakal dirawuhi dening sanak kadang tangga teparo nganti kemruwet
kaya cendhole dhawet.
8. Bur-buran
Tata cara bur-buran iki dilaksanakake wujud pitik urip kang diculake utawa diaburake dening
pamangku gati kanthi pangajab luhur temanten sing bakal miwiti urip berbrayan mau bisa
golek sandhang pangan kanthi gancar lan entuk rejeki kang agung pepindhane pitik kang
mabur marang keblat papat golek pangan.
9. Adang sepisan
Naliko mantu ngrawuhake sanak kadang tonggo teparo pamangku gati mesthi atur pasugatan

mulo tata cara adang kapisan iki mratandhakake yen pamangku gati wis siyaga nampa rawuhe
para tamu kanthi pasugatan dhedhaharan.
10. Midodareni
Tata cara midodareni iku diadani ing wayah ndalu sakdurunge ijab qobul lan panggihing
temanten. Ing sakjroning malem midodareni bisa diadani acara nebus kembar mayang,
nggladhi wanuh saka kulawarga besan, kancing gelung lsp. Tata cara iki diarani midodareni
amarga diajab tumurune widodari mangayubgya bakal dhaupe temanten. Tata cara
midodareni mung dirawuhi saka kulawarga inti ora ngrawuhke tamu undangan.

17