Page 23 - majalah espero

ngemu pangajab sak kawak-kawake dhele lan kacang isih bakal kawak bebrayane temanten

nganti kukuting jaman. Sakbanjure temanten padha dhahar klimah pralambange yen
temanten wis atut lan pada tresnane, yen tembung saiki diarani kemesraan.
15. Sungkeman
Tata cara sungkeman
ditindakake kanthi temanten
sekaliyan sungkem angabekti
kawiwitan kanthi sungkem
marang wong atuwane
temanten putri sakbanjure
sungkem marang sudarmane
temanten kakung. Adicara iki
ngemu pitutur yen sak

durunge nggebyur ing
bebrayan agung tematen
sakloron mbutuhake restu utawa pengestu saka sudarmane. Ing adicara sungkeman iki yen
temanten ngagem dhuwung utawa keris kudu dilolos luwih disik. Bab iki ngemu pitutur yen
sungkem wong tuwa ora prayoga yen ngonggleng pusaka.
16. Sungsuman
Adat sungsuman iki mujudake wektu kanggo pamangku gati ngaturake panuwun marang
sanak kadang tonggo teparo dene wis dibyantu bot repote naliko duwe gawe mahargya
putrane. Yen jaman biyen pasugatene bubur sunsum kanggo pepulih tenaga kang sayah ben

bali kuwat meneh. Dene ing jaman saiki adicara iki diarani pembubaran panitia kang
pasugatane maneka warna anut kersane pamangku gati.
Kabeh andharan kang wis kaaturake panyerat ing dhuwur iku mung perangane adat istiadat
utawa budaya. Wondene kok ana bab-bab kang ora disarujuki dening para pamaos
Esperomag, panyerat nyuwun agunging pangaksami. Nuwun.

Sumber gambar:

Mahligai-indonesia.com

www.seputarpernikahan.com

19