Page 13 - ТОЛИПОВА БАХТИГУЛ МОНОГРАФИЯ

Инвестицияларнинг замонавий талқинига кўра, инвестиция
деганда фойда олиш мақсадида ишлаб чиқариш, ижтимоий,
маданий ва бошқа соҳалардаги турли дастур ва лойиҳаларни
амалга оширишга қаратилган узоқ муддатли молиявий капи-
тал қўйилмалар тушунилади. Инвестициялар пул, мол-мулк
ёки қиймат шаклида амалга оширилиши мумкин. Пул маблағ-
лари, банк депозитлари, қимматли қоғозлар, кўчар ва кўчмас
мулклар, «know-how», бино ва иншоотлар, фаол асосий фонд-
лар ҳамда интеллектуал мулкни инвестицияларнинг асосий
шакли сифатида кўришимиз мумкин.
Бозор иқтисодиёти шароитида инвестициялар моҳияти –
инвестицион фаолиятнинг икки томони бирикмасини ўз ичига
олади: ресурс харажатлари ва натижаларни қўлга киритишни.
Инвестициялар даромад олиш мақсадида киритилади ва улар
кутилган даромадни келтирмаса фойдасиз бўлиб қолади. Ай-
нан шу нарса инвестициялар тушунчасига бозор ёндашувини
англатади.

Толипова Бахтигул Фарходовна 13