Page 61 - alice-kbd_text.qxp_9781904808169_text

Ш Ы НД Ы РХЪ УО Р Э У Э НЖ А КЪР Э

лъэныкъуэр иригъэлъэгъуащ. Алисэ апхуэдизу ӏэнкун хъуати,
зричри, Тхьэкӏумэкӏыхьым нэгъуэщӏ пщащэ гуэрым зэрыхигъэ -
гъуэщар къыгурымыӏуэ щӏыкӏэ, щӏэпхъуащ къыжраӏар игъэзэ -
щӏэну.
«Унэӏут цӏыкӏу гуэрым сыхигъэгъуэщауэ къыщӏэкӏынщ,» егуп -
сысащ ар здэжэм, «Ӏэйуэ игъэщӏэгъуэнщ абы зэрыгъуэщар къыгу -
рыӏуэжмэ! Ауэ сэ, хъуар ирехъу, жьыхумрэ ӏэлъэхэмрэ къыхуэс -
хьынщ. Дэнэ ахэр иджы къыздисхынур?» Сытми, апхуэдэу гуп -
сысэхукӏэ, пщащэм и пащхьэм къихутащ зы унэ дахащэ цӏыкӏу.
Бжэм къытецӏуукӏт унэр зеим и цӏэр зытедза гъуаплъэ такъыр:
«Т. ХУЖЬ.» жэуэ. Алисэ бжэм емытӏыркъыу, унэм щӏэлъадэри,
хьэщӏэщ пэшыр здэщыӏэ етӏуанэ къатым дэжеящ. Пщащэр гуза -
вэт, Мери-ӏен дыдэр къыпэщӏэхуэу зэран къыхуэ хъункӏэ шынэти.
«Гъэщӏэгъуэнкъэ ар, зэи сегупсысынтэкъым Тхьэкӏумэкӏыхьым
и ӏуэхутхьэбзащӏэ сыхъуну!» егупсысащ ар, «апхуэдэу кӏуэмэ
Динэ цӏыкӏуи унафэ къысхуищӏу щӏидзэнщ!» Пщащэм и нэгу
къыщӏигъэхьащ: «„Алисэ-дахэ, накӏуэ урамым, тӏэкӏу къэдгъэ -
кӏухь!“—„Хьэуэ, хъунукъым, сэ Динэ унафэ къысхуищӏащ
дзыгъуэм сещэурэ и гъуэр схъумэну.“ Динэ унафэ ищӏу щӏидзэмэ,
а тхьэмыщкӏэр унэм къыщӏахунущ,» жери Алисэ и гупсысэр
кӏэщӏу зэпиудащ.
Сытми Алисэ щӏэпкӏащ зы пэш къабзэ цӏыкӏу гуэрым. Пщащэр
зэрыгугъам худэу, ӏэлъэ зэгуэгъумрэ жьыхумрэ гъуджэм къыб -
гъэдэт ӏэнэм телът. Алисэ ахэр къипхъуатэри плъамэ - зы бащыр -
бэ пкъы цӏыкӏу тетщ ӏэнэм. Пэжу жыпӏэмэ, а бащырбэм кӏэрыщӏа -
тэкъым тхылъымпӏэ кӏапэ «КЪЫЗЭФЭ!» жэуэ тедзауэ. Ауэ
пщащэр мышынэу шкӏампӏыр къыӏуичри бащырбэр и ӏупэм
хуихьащ. «Зэрыхъумкӏэ, зыгуэрэ сшхымэ е сефэмэ зы гъэщӏэ -
гъуэн гуэр къысщощӏ,» егупсысащ Алисэ, «Иджыпсту мы бащыр -
бэми деплъынщ! Ин сыкъэхъужатэмэ дэгъуэ дыдэт, сригъэзэшащ,
цӏыв шырым хуэдэу, жьгъейуэ щытыным!»
Пщащэм быщырбэм итыр къыщхьэпащ—иныкъуэри хифыкӏа -
тэкъым пэшыщхьэм щыщӏэуам… Иныжьыщэ хъури зыкъи гъэ -
шын къыхудэхуащ и пщэр зэримыудын щхьэкӏэ. Пщащэм

35