Page 62 - alice-kbd_text.qxp_9781904808169_text

АЛИСЭ ТЕЛЪЫДЖЭЩӀЫМ ЗЭРЫЩЫӀАР

бащырбэр, лъэмыӏуса хуэдэу, псынщӏэ дыдэу ӏэнэм тригъэу -
вэжащ: «Ирикъуа-ирикъуа, мыхъумэ бжэм сыдэхуэжы нукъым.
Апхудиз мыгъуэ щхьэ сефа? Зы ткӏуэпсри ирикъунти!»
А гупсысэр тэрэзыбзэт, ауэ ӏуэху нэужьыращ щегупсысар—
пщащэр къэмыувыӏэу хэхъуэт! Зы дакъикъэ щытекӏым—лъэгуан -
жьэмыщхьэкӏэ увын къыхудэхуащ, дакъикъитӏ щытекӏым—пэш
лъэгум гъуэлъащ, и ӏэдакъэр бжэм щигъакъуэри, адрей ӏэр и пщэ -
дыкъым дилъхьэжри… ауэ хэхъуэн щигъэтакъым. Слӏот ищӏэжы -
ныр—щымыхъужым и ӏэ лъэныкъуэр щхьэгъубжэм дигъэжащ, и
лъакъуэр хьэку жъэгум иригъэуващ. «Зэфӏэкӏащ,» егупсысащ ар,
«нэгъуэщӏ зыри пхуэщӏэжынукъым—ирехъу хъуныр!»
И насыпти хущхъуэм и къарур иухри, пщащэм хъуэхъуэн
щигъэтащ. Ауэ абы зыкӏи уехъуапсэ хъунутэкъым, апхуэдэ
пӏэтӏэуэншэ ихуати. Къикӏыжыпӏи иӏэтэкъым. Гъэщӏэгъуэнкъым
Алисэ а дакъикъэм тӏэкӏу гужьеями.
«Ди унэм сыщыӏэжамэ, нэхъыфӏт,» егупсысащ пщащэ тхьэ -
мыщкӏэр, «сыт мыхъужми, пщӏэрт дакъикъитху дэкӏмэ псори
зэрыщытауэ къызэрынэжынур. Мыбдежым-щэ!.. Зэм уиныш -
хуэщ, зэм уцӏыкӏунижьгъэщ, дзыгъуэ гуэрым е тхьэкӏумэкӏыхь
гуэрым унафэ къыпхуещӏ, зыхуейр уагъащӏэ! Сыкӏуэу а тхьэку -
мэкӏыхьыгъуэм сыщӏипщхьар къащӏэ! Ауэ… ауэ… мыбдежым
псори гъэщӏэгъуэнщ! Уи напӏэр зэтеплъхьэу зэтепхыжмэ—
зыгуэр къыпщощӏ, зэрыхъури къыбгурымыӏуэу. Япэм таурыхъ
сыщеджэкӏэ апхуэдэу къэмыхъу къысфӏэщӏт, ауэ, мис, сэр-сэру
таурыхъым сыхэхуащ. Мы къысщыщӏахэм щхьэкӏэ зы псысэ
бэлыхь тхакӏуэхэм зэхалъхьэн хуейщ! Ин сыхъумэ, сэр-сэру …»
мыбдежым Алисэ и гупсысэр зэпыуащ. «Уа,» жиӏащ пщащэм
нэщхъейуэ, «сэ армырами сыинкъэ! Ауэ сыту фӏыщэт—мы
пэшым нэхъ ин зызигъэщӏыжынкъым!»
«Зэи афӏэкӏа иджы сыхэмыхъуэжмэ-щэ?» егупсысащ Алисэ.
«Ин сыхъуамэ, сызэрыхъун сыхъуащи, нэхъыжьи сыхъужы ну -
къым. Нэхъыжь сыхъуагъыхэмэ—фызыжь цӏыкӏуи сыхъуну -
къым! Ар дэгъуэкъэ! Ауэ, плъагъурэ, нэхъыжь сымыхъуми,
иджыпсту сызэрыщытым хуэдэу сыкъонэкъэ?! Апщыгъуэкӏэ

36